Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün daha bir İkinci Vətən Müharibəsi Şəhidinin-Bakının Sabunçu rayonunun Zabrat qəsəbəsindən olan Əfqan Ramil oğlu Nəsirovun Anım Günüdür.
Əfqan Nəsirovun torpağa tapşırılmasından 3 il ötür.
Etikxeber.az xəbər verir ki, Əfqan Nəsirov 2001-ci ilin 29 mart tarixində Bakı şəhərinin Sabunçu rayonunun Zabrat qəsəbəsində sadə bir ailədə dünyaya gəlib.
Ailədə iki övlad-bir bacı və bir qardaş olublar.
2007-2018-ci illərdə 71 saylı orta məktəbdə oxuyub.
Orta məktəbdə oxuyarkən-2016-cı ildə atalarını itiriblər.
Anası Kəmalə xanım onlara həm analıq, həm də atalıq edib.
Orta məktəbi bitirdikdən bir müddət sonra həqiqi hərbi xidmətə yollanıb, Beyləqan rayonu istiqamətində yerləşən “N” saylı hərbi hissədə xidmət keçib.
Azərbaycan Ordusunun Əsgəri kimi İkinci Vətən Müharibəsində iştirak edib.
Və Hadrut-Xocavənd istiqamətində qəhrəmancasına Şəhidlik məqamına ucalıb.
Nəşi 21 oktyabr tarixində Əbədiyyətə uğurlanıb.
Şəhidliyindən sonra 4 medalla təltif olunub.
O, həm də subay olub.
Zabrat qəsəbəsindəki küçələrdən biri Onun adını daşıyır.
Məkanı cənnətlik olsun!
Nur içində uyusun!
Kamil HƏMZƏOĞLU
Etikxeber.az
