“Ən azı iyun və iyul aylarında 190 manat müavinətlər ödənməli, yardımların daha çox əhaliyə verilməsi təmin edilməlidir”-MÜSAVATDAN HÖKUMƏTƏ ÇAĞIRIŞ

Bəzi hakimiyyət nümayəndələri epidemiya dövrü ilə əlaqədar təkliflərimizə müsbət yanaşdıqlarını bildirir. Bizim təkliflərimiz paket halındadır. Bəzilərini qəbul edib, digərlərini qəbul etməmək olmaz. Milyonlarla vətəndaşın evdə qalmasını tələb edən, iş yerlərini qapadan hakimiyyət vətəndaşları maddi cəhətdən təmin etməyə, onların biznesini qorumağa borcludur. Öyünəndə Amerikadan, Almaniyadan danışan iqtidar nümayəndələri o ölkələrdə hər ay fərq qoymadan hər bir vətəndaşa 1000 dollardan, 1000 avrodan artıq vəsait, müraciət edən hər kəsə tələbatına uyğun ərzaq verildiyini bilirmi?

Etikxeber.az xəbər verir ki, bunu Müsavat Partiyasının başqanı Arif Hacılı mətbuat üçün yaydığı açıqlamasında deyib.

O, qeyd edib ki, Azərbaycanda virusa yoluxanların, dünyasını dəyişənlərin sayı iyun ayında əvvəlki aylara nisbətən xeyli artıb. Dünən daha bir antirekord qırıldı.

“Müvafiq olaraq karantin şərtləri də sərtləşib. Vətəndaşların “qara günə” saxladıqları ehtiyatlar da tükənib. Belə olan halda, iyun ayında onsuz da az olan, onsuz da aztəminatlı əhalinin məhdud dairəsini əhatə edən 190 manatın kəsilməsinin izahı nədir? Ən azı iyun və iyul aylarında 190 manat müavinətlər ödənməli, yardımların daha çox əhaliyə verilməsi təmin edilməli, orta və xırda biznesin xilası üçün xüsusi dövlət proqramı hazırlanıb həyata keçirilməlidir”-deyə,o, əlavə edib.

10:22

Etikxeber.az

Read Previous

“Hər bir QHT əhalini Operativ Qərargahın çağırışlarına riayət etməyə çağırmalı, eyni zamanda, sosial yardıma ehtiyacı olan ailələrə yardımların göstərilməsində imkanları daxilində fəal olmalıdır”-AZAY QULİYEVDƏN ÇAĞIRIŞ

Read Next

“İyun, iyul ayları üçün 190 manatlıq dəstək o halda effekt verə bilər ki, şərtlər tam yumşadılsın, əmlak və başqa əsaslara görə imtinaya son qoyulsun”-DEPUTATDAN VACİB TƏKLİF – YENİLƏNİB

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir