1 saylı Bakı istintaq Təcridxanasında qiyam olub? – Təkzib edilir

Ədliyyə Nazirliyi Penitensiar Xidmətinin 1 saylı Bakı istintaq Təcridxanasında saxlanılan məhbusların qiyam etməsi barədə xəbər yayılıb.

Etikxeber.az-ın Gununsesi.info-ya istinadən verdiyi məlumata görə, saxlandıqları kameraları təpikləyən məhbuslar əməkdaşlarn tələblərinə əməl etməyiblər.

Nəticədə PX-in Xüsusi Təyinatlı Bölüyü həbsxanaya hücum edib.

Qiyama səbəb, isə  onlara verilən “payok”un (yeməyin) satılması və yetərincə verilməməsidir. Digər səbəb kimi, dustaqlara yaxınlarının gətirdikləri “peredaça”ya görə 100 manat rüşvət tələb olunması göstərilib.

Bundan başqa Bakı İstintaq Təcrdixanasında telefon danışıqları, görüşlər də rüşvətlə baş tutur.

Olayla bağlı hələlik, Penitensiar Xidmətdən münasibət öyrənmək cəhdimiz baş tutmayıb.

Xəbəri araşdırırıq.

***

“Son günlər bəzi kütləvi informasiya vasitələrində Ədliyyə Nazirliyinin Penitensiar xidmətinin tabeçiliyində olan ayrı-ayrı müəssisələrdə, o cümlədən 13 və 6 saylı cəzaçəkmə müəssisələrində, Bakı İstintaq Təcridxanasında məhkumlara qarşı qanuna zidd hərəkətlərin törədilməsi, cəza çəkənlər arasında kütləvi iğtişaşların baş verməsi, müəssisələrə xüsusi təyinatlı dəstələrin yeridilməsi, məhkumlardan, eləcə də onlara baş çəkən qohumlarından pul tələb edilməsi kimi həqiqəti əks etdirməyən məlumatlar dərc edilir”.

Bu isə  Penitensiar Xidmətin İctimaiyyətlə əlaqələr şöbəsindən bildirilib.

Qeyd olunub ki, Penitensiar Xidmətin rəhbərliyi və kollektivi bu kimi böhtan xarakterli və qərəzli məlumatların son zamanlar xidmətdə aparılan müsbət işlərə kölgə salmaq, əhalidə çaşqınlıq, cəza çəkənlər və onların yaxın qohumları arasında əsassız narahatçılıq yaratmaq məqsədi daşıyır. Penitensiar xidmət bir daha ictimaiyyətin və kütləvi informasiya vasitələrinin nəzərinə çatdırır ki, bu gün bəzi saytlarında “Bakı istintaq təcridxanasında qiyam: qoşun yeridildi” başlıqlı məlumatın heç bir əsası yoxdur və böhtan xarakterlidir, tabeçilikdə olan cəzaçəkmə müəssisələrində və istintaq təcridxanalarında əməliyyat şəraiti sabitdir, tam nəzarət altındadır, cəzaların icrası və çəkilməsi qaydalarına, mövcud qanunvericiliyin tələblərinə tam uyğun şəkildə riayət olunur”.

Qeyd edək ki, bu gün bəzi saytlar Bakı İstintaq Təcridxanasında dustaqların qiyam etməsi barədə məlumat yayıb. Məlumatda dustaqların təcridxananın vəzifəli şəxslərinə hücum etdiyi, təcridxananın rəisi və rəis müavininə xəsarət yetirdiyi qeyd olunub.

Etikxeber.az

Read Previous

Gülər Əhmədova ilə “Bank Standard” arasında pul “razborkası” – FOTOLAR

Read Next

Avtonəqliyyat vasitələri üzrə standart və sərhəd sığorta müqavilələri elektron qaydada bağlanılacaq

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir