10 bankın əmanətçilərinə 630 milyon manatadək kompensasiya ödənilib

Əmanətlərin Sığortalanması Fondu lisenziyası ləğv olunan 10 bankın qorunan əmanətçilərinə ödənilən kompensasiyanın həcmini açıqlayıb.

Fonddan Etikxeber.az-a  verilən məlumata görə, “Parabank” ASC-nin qorunan əmanətçilərinə 34 mln. 591 min manat, “Zaminbank” ASC-nin qorunan əmanətçilərinə 51 mln. 34 min manat, “Kredobank” ASC-nin qorunan əmanətçilərinə 26 mln. 136 min manat və “Dekabank” ASC-nin qorunan əmanətçilərinə isə 2 mln. 887 min manatdan artıq kompensasiya ödənilib. 4 bank üzrə ümumilikdə 114 mln. 648 min manatdan artıq kompensasiya verilib.

“Atrabank” ASC-nin qorunan əmanətçilərinə 14 mln. 140 min manat, “Qafqaz İnkişaf Bankı” ASC-nin qorunan əmanətçilərinə 1 mln. 880 min manatdan artıq kompensasiya ödənişi edilib. 2 bank üzrə ümumilikdə 16 mln. manatdan artıq kompensasiya ödənilib.

“Bank of Azerbaijan” ASC-nin qorunan əmanətçilərinə 24 mln. 117 min, “Gəncəbank” ASC-nin qorunan əmanətçilərinə 969 min manat, “Texnikabank” ASC-nin qorunan əmanətçilərinə isə 119 mln. 978 min manatdan artıq kompensasiya ödənişi həyata keçirilib. 3 bank üzrə ümumilikdə 145 mln. manatdan artıq kompensasiya ödənilib.

“Bank Standard” QSC-nin qorunan əmanətçilərinə 353 mln. 545 min manat artıq kompensasiya ödənişi baş tutub.

Ümumilikdə Fond tərəfindən 10 bank üzrə 629 mln. 193 min manatdan artıq kompensasiya ödənilib.

Etikxeber.az

 

Read Previous

Gürcüstan Azərbaycan investisiyası üçün tam açıqdır – NAZİR

Read Next

“Oazis” simli kvarteti konsert proqramı ilə çıxış edib

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir