Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Şabran rayonundan olan Şəhid Füzuli Süleyman oğlu Salahovun doğum günüdür.
Füzuli Salahovun bu gün 46 yaşı tamam olur.
Bu, həm də Şəhidin Cənnətdəki yeddinci doğum günü, mövlududur.
Cənnətdəki yeddinci doğum günü ilə bağlı bu gün səhər saatlarında Bakıdan gələn qonaqlar tərəfindən Şəhidin Şabran rayonunun Gəndob kəndindəki ata ocağı, valideynləri ziyarət olunub.
Şəhidin ruhuna dualar edilib, ailə üzvlərinə, doğmalarına-anası Sevda xanıma və atası Süleyman kişiyə Allahdan səbr və dözüm arzulanıb, Füzuli Salahovun Cənnətdəki yeddinci doğum günü təbrik olunub.
Sonra Şəhidin Gəndobdakı xatirə kompleksi ziyarət olunub.
Ziyarətdən sonra Gəndob kəndindəki “Qazilər bağı”nda Şəhidin Cənnətdəki yeddinci doğum günü ilə bağlı tədbir düzənlənib.
Tədbirdə öncə Şəhidlərin xatirəsi bir dəqiqəlik sükutla yad olunub, Dövlət himni səsləndirilib.
Tədbir zamanı çıxışçılar tərəfindən Şəhidin keçdiyi 39 illik qısa, lakin şərəfli ömür, hərb və döyüş yolu barədə danışılıb, İgidliyi və Qəhrəmanlığından bəhs edilib.
Gəndob kənd orta məktəbinin şagirdləri tərəfindən Şəhidlərə, Vətənə həsr olunmuş şeirlər səsləndirilib, o cümlədən qonaqlar tərəfindən Şəhidin ailə üzvlərinə-anası Sevda xanıma diplom və hədiyyələr təqdim edilib.
Tədbirdən sonra isə Şəhidin ata ocağında adına ehsan süfrəsi təşkil edilib, bir daha ruhuna dualar olunub.
Şəhidin ocağını, xatirə kompleksini ziyarətdə, Cənnətdəki yeddinci doğum günü ilə bağlı təşkil edilən tədbirdə və ehsan süfrəsində ailə üzvləri, doğmaları, Bakıdan gələn vətənpərvər ziyalılar, media mənsubları, Bakılı və Şabranlı Şəhid anaları, Qazilər, müharibə veteranları, müəllim və məktəblilər iştirak ediblər.
Etikxeber.az xəbər verir ki, Füzuli Abbasov 1978-ci ilin aprel ayının 28-də Şabran (keçmiş Dəvəçi) rayonunun Gəndob kəndində, müəllim-ziyalı ailəsində dünyaya gəlib.
Ailənin altı övladından, üç qardaşdan biri olub.
Evin-ailənin üçüncü övladı idi.
Gəndob kənd orta məktəbini bitirdikdən, Əsgərliyə, Vətənin keşiyinə yollandıqdan sonra həyatını demək olar ki, Ordu, hərb ilə bağlayıb.
Azərbaycan Ordusunun peşəkar hərbçilərindən olub, Baş Gizir hərbi rütbəsini daşıyıb.
2016-cı ilin Aprel döyüşlərində iştirak edib.
2017-ci ilin dekabr ayının 13-də isə düşmənin təxribatı nəticəsində Füzuli rayonu istiqamətində qəhrəmancasına Şəhidlik məqamına ucalıb.
Nəşi iki gün sonra, dekabrın 15-də Gəndob kənd qəbiristanlığında Əbədiyyətə uğurlanıb.
O, Gəndobun yeddi Şəhidindən biridir.
Füzuli Salahov həm də ailəli, iki oğlan atası idi.
Orta məktəb şagirdləri olan Nihadı və Nicatı ailəsinə, Vətənə əmanət qalıb.
Füzuli Salahov istər Şəhidliyindən öncə, istərsə də Şəhidliyindən sonra bir neçə medalla, o cümlədən “Hərbi xidmətdə fərqlənməyə görə” II dərəcəli medal ilə təltif edilib
Məkanı cənnətlik, Cənnətdəki yeddinci doğum günü mübarək olsun!
Nur içində yatsın!
13:40
***
FOTOLAR:
14:10
***
Kamil HƏMZƏOĞLU (HƏMİDOV)
Etikxeber.az
