23 yaşının tamamında Şəhid Rəşid Abdullayevin-MƏZARI ZİYARƏT OLUNDU, ADINA EHSAN-İFTAR SÜRƏSİ AÇILIDI… – FOTOLAR – YENİLƏNİB

Samux rayonunun İkinci Vətən Müharibəsi Şəhidlərindən olan Rəşid Abdulla oğlu Abdullayevin doğum günüdür.

Rəşid Abdullayevin bu gün-23 mart 2025-ci il tarixində 23 yaşı tamam olur və bu, həm də Şəhidin Cənnətdəki beşinci doğum günü, mövlududur.

Cənnətdəki beşinci doğum günü ilə bağlı bu gün axşam saatlarında Şəhidin İnstitut qəsəbə qəbiristanlığındakı məzarı ziyarət olunub.

Məzarı üzərinə gül dəstələri düzülüb, ruhuna dualar edilib, “Quran” oxunub.

Ailəsinə Allahdan səbr və dözüm arzulanıb, Cənnətdəki beşinci doğum günü təbrik olunub.

Şəhidin məzarını ziyarətdən sonra ailəsinin yaşadığı evdə adına ehsan-iftar süfrəsi açılıb, bir daha ruhuna dualar olunub.

Şəhidin məzarını ziyarətdə və Cənnətdəki beşinci doğum günü ilə bağlı təşkil edilən ehsan-iftar süfrəsində ailə üzvləri, Samuxlu Şəhid ailələri, din xadimləri və digər şəxslər iştirak ediblər.

Etikxeber.az xəbər verir ki, Rəşid Abdullayev 2002-ci ilin mart ayının 23-də Samux rayonunda dünyaya gəlib.

Ailənin iki övladından biri, evin tək oğlu, tək bacının tək qardaşı olub.

Tək bacısı hazırda ailəlidir.

2008-2019-cu illərdə Samux rayonunun İnstitut qəsəbə tam orta məktəbində təhsil alıb.

Orta məktəbi bitirdikdən, 18 yaşını tamamladıqdan sonra, 2019-cu ildə həqiqi hərbi xidmətə yollanıb.

Azərbaycan Ordusunun Əsgəri kimi İkinci Vətən Müharibəsinə qatılıb.

Noyabr ayında Şuşa istiqamətində qəhrəmancasına Şəhidlik məqamına ucalıb.

Nəşi İnstitut qəsəbə qəbiristanlığında Əbədiyyətə uğurlanıb.

Şəhidliyindən sonra 3 medalla təltif olunub.

Rəşid həm də subay olub.

Məkanı cənnətlik, Cənnətdəki beşinci doğum günü mübarək olsun!

Nur içində yatsın!

19:51

***

FOTOLAR:

Kamil HƏMZƏOĞLU (HƏMİDOV)

Etikxeber.az