Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Əslən Qərbi Azərbaycanlı, özü isə Bakıdan, Yasamal rayonundan olan İkinci Vətən Müharibəsi Şəhidi, evin iki övladından biri, ailənin tək oğlu, tək bacının tək qardaşı, subay, atasını uşaqkən itirən, bir neçə medallı İlqar Etibar oğlu Ramazanlının Cənnətdəki dördüncü doğum günündə, 30 yaşının tamamında-2 noyabr 2024-cü il tarixində, səhər saatlarında Əbədiyyətə uğurlandığı İkinci Şəhidlər Xiyabanındakı məzarı ziyarət olunub.
2 noyabr 1994-cü ildə dünyaya gələn və 26 yaşının tamamından cəmi bir gün sonra-3 noyabr 2020-ci il tarixində Şuşa istiqamətində Şəhadətə ucalan, nəşi isə 5 noyabrda torpağa tapşırılan Şəhidin məzarı üzərinə gül dəstələri düzülüb, ruhuna dualar edilib, “Quran” oxunub.
Etikxeber.az xəbər verir ki, Şəhidin məzarını ziyarətdən sonra İkinci Şəhidlər Xiyabanında yerləşən Mərasim evində Cənnətdəki dördüncü doğum günü ilə bağlı məclis düzənlənib, adına çay-ehsan süfrəsi açılıb.
Bir daha ruhuna dualar olunub.
Şəhidlərin xatirəsi bir dəqiqəlik sükutla yad olunub, Dövlət himni səsləndirilib.
Ailəsinə-anası Səbinə xanıma Allahdan səbr və dözüm arzulanıb, Cənnətdəki dördüncü doğum günü təbrik olunub.
Eyni zamanda, Şəhidin adına hazırlanmış tort kəsilib.
Şəhidin məzarını ziyarətdə və Cənnətdəki dördüncü doğum günü ilə bağlı məclisdə anası Səbinə xanım, tək bacısı, Şəhid ailələri, din xadimləri və digər şəxslər iştirak ediblər.
Məkanı cənnətlik, Cənnətdəki dördüncü doğum günü, yubiley-30 yaşı mübarək olsun!
Nur içində yatsın!
***
FOTOLAR:
***
Kamil HƏMZƏOĞLU (HƏMİDOV)
Etikxeber.az
