Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Quba rayonunda 27 sentyabr-Anım Gününə həsr olunmuş voleybol yarışı keçirilib.
Etikxeber.az-a “Vətən naminə” Şəhid Ailələrinə Dəstək İctimai Birliyindən daxil olan məlumata görə, yarışda Quba rayonunda fəaliyyət göstərən məktəblərdə çalışan müəllimlərdən ibarət 8 komanda iştirak edib.
Yarış başlamazdan əvvəl Vətənimizin ərazi bütövlüyü və suverenliyi uğrunda canından keçmiş Şəhidlərimizin əziz xatirəsi 1 dəqiqəlik sükutla yad edilib.
Tədbirin keçirilməsində əsas məqsəd Şəhidlərimizin əziz xatirəsini ehtiramla yad etmək, müəllimlər arasında sağlam həyat tərzini və idmana marağı təşviq etmək, eləcə də kollektiv ruhu və həmrəyliyi gücləndirmək olub.
Yarış yüksək əhval-ruhiyyə, sağlam rəqabət və dostluq şəraitində keçib.
“Tədbirin ərsəyə gəlməsində əməyi və dəstəyi olan təşkilatçılara, tərəfdaşlara və bütün dəstəkçilərə təşəkkürümüzü bildiririk. Həmçinin, yarışda iştirak edən bütün müəllimlərə fəallıqlarına və idmana göstərdikləri marağa görə minnətdarlığımızı ifadə edirik”-deyə, məlumatda sonra qeyd olunub.
Etikxeber.az
