Yeni nazir kimin qardaşıdır?

Nazir müavininin qardaşı olan yeni təhsil naziri

Ölkə prezidenti İlham Əliyevin sərəncamı ilə Ceyhun Bayramov təhsil naziri təyin olunub.

Etikxeber.az-ın xəbərinə görə, yeni nazir son təyinata kimi, təhsil nazirinin müavini vəzifəsində işləyib.

Qeyd edək ki, Ceyhun Əziz oğlu Bayramov 1973-cü ildə Bakı şəhərində anadan olub. Azərbaycan Dövlət İqtisad İnstitutunu iqtisadçı ixtisası üzrə, Azərbaycan Universitetini isə hüquqşünaslıq ixtisası üzrə bitirib.

1996-2000-ci illərdə Vergilər Nazirliyində müxtəlif vəzifələrdə çalışıb, 2000-2002-ci illərdə “Salans Hertzfeld & Heilbronn (Baku) Limited” şirkətində hüquqşünas, 2002-2013-cü illərdə isə “OMNİ” hüquq şirkətinin direktoru olub.

ceyhun-bayramov

2004-2012-ci illərdə dünyanın aparıcı hüquq nəşrlərindən olan “Chambers Global”, “IFLR1000” və “Legal500” tərəfindən hər il Azərbaycanda vergiqoyma və mülki hüquq sahəsində aparıcı hüquqşünaslar siyahısına daxil edilib. 2013-cü il mayın 30-dan avqustun 12-dək Azərbaycan Respublikası Təhsil Nazirliyi aparatının rəhbəri vəzifəsində çalışıb.

Azərbaycan Respublikası Prezidentinin 12 avqust 2013-cü il tarixli sərəncamı ilə Azərbaycan Respublikası Təhsil nazirinin müavini təyin olunub.

Evlidir, 2 övladı var.

Onu da qeyd edək ki, Ceyhun Bayramov həm də maliyyə nazirinin müavini Azər Bayramovun qardaşıdır.

Azər Bayramov yeni nazirdən 3 yaş böyükdür.

Kamil HƏMZƏOĞLU

Etikxeber.az

Read Previous

“Siyasi məhbuslar”, “təzyiqlər”, “həbslər”…” – ƏLİ HƏSƏNOVDAN ETİRAZ

Read Next

Bağırovu Babayev əzəvləyir… – İDDİA

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir