“AHİM Ermənistanın dürüst olmadığı qənaətinə görüb”-XİN

Avropa İnsan Haqları Məhkəməsinin (AHİM) bu yaxınlarda qəbul etdiyi qərar Ermənistanın daha əvvəl işğal altında saxladığı Azərbaycan ərazilərində nəzarətinin və ya yurisdiksiyasının olmamasına dair uzunmüddətli mövqeyini ifşa edib.

Etikxeber.az xəbər verir ki, bu barədə xarici işlər nazirinin müavini Elnur Məmmədov “X” platformasındakı paylaşımında qeyd edib.

O, bildirib ki, AİHM-in 17 oktyabr 2023-cü il tarixli “Hovhannisyan və Karapetyan Ermənistana qarşı” işi üzrə verdiyi hökmdə Ermənistan Respublikasının vətəndaşları R. Hovhannisyanın və A. Sarqsyanın 2009 və 2008-ci illərdə Ermənistan ordusuna çağırıldıqları və “Dağlıq Qarabağ silahlı qüvvələri”nin 36 535 saylı hərbi hissəyə göndərildikləri qeyd edilib.

Bildirilib ki, 2010-cu ilin iyulunda hər iki hərbi qulluqçu öz hərbçi yoldaşları tərəfindən daxili insident nəticəsində qətlə yetirilib və öldürülən hərbçilərin valideynləri təzminat üçün Ermənistanı məhkəməyə verib.

Elnur Məmmədov qeyd edib ki, məhkəmə artıq digər işlərdə Ermənistanın sözügedən ərazi üzərində yurisdiksiyası məsələsini araşdırıb və müəyyən edib ki, Ermənistan Dağlıq Qarabağ və ətraf ərazilər üzərində effektiv nəzarət həyata keçirib.

Elnur Məmmədov qeyd edib ki, Ermənistan o zamanlar işğal altında saxladığı Azərbaycanın ərazilərində törədilən istənilən cinayətə görə dövlət məsuliyyətindən qurtulmaq məqsədilə uzun müddət bu ərazilər üzərində heç bir nəzarəti və ya yurisdiksiyası olmadığı mövqeyində olub.

“Diplomatik desək, AHİM Ermənistanın dürüst olmadığı qənaətinə görüb”, – Elnur Məmmədov qeyd edib.

Etikxeber.az

Read Previous

Şəhid Telman Allahverənovun atası Prezidentə müraciət etdi: “İSTƏYİRƏM Kİ, ÖVLADIM DA ALİ ORDENLƏRİMİZDƏN BİRİ İLƏ TƏLTİF OLSUN, TELMANIMIN DA ORDEN HAQQI TANINSIN”

Read Next

“Qarabağ” ordenli, üç övladı Vətənə əmanət qalan-BİLƏSUVARLI İKİNCİ VƏTƏN MÜHARİBƏSİ ŞƏHİDİ ELÇİN TAĞIYEVİN BU GÜN ANIM GÜNÜDÜR… – FOTOLAR – YENİLƏNİB – (4)

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir