Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Aktyor Məhərrəm Qurbanov vəfat edib.
Etikxeber.az-ın xəbərinə görə, bu haqda mətbuaata açıqlamasında aktyorun qızı Aytən Qurbanova məlumat verib.
Bildirib ki, atası bu gün axşam saatlarında vəfat edib: “Xəstəxanadan bizə dedilər ki, atanızın vəziyyəti ağırdır, bir neçə saat ömrü qalıb. Biz də xəstəxanadan çıxarıb evə gətirdik, yolda keçindi”.
Qeyd edək ki, M.Qurbanov avqustun 19-da beyin insultu diaqnozu ilə xəstəxanaya yerləşdirilmişdi.
O, 1959-cü ildə Gəncədə anadan olub. Uzun müddət Azərbaycan Dövlət Akademik Musiqili Teatrda fəaliyyət göstərib.
Geniş tamaşaçı kütləsi Məhərrəm Qurbanovu “İmtahan” serialının Eldarı kimi tanıyır. Aktyor “Qız Qalası”, “Ərazi” filmlərində də çəkilib.
***
Aktyor Məhərrəm Qurbanovla vida mərasimi avqustun 22-i saat 11:00-da “Təzə Pir” məscidində olacaq.
Bu barədə də aktyorun qızı Aytən Qurbanova məlumat verib.
Mərhum Yasamal qəbiristanlığında dəfn olunacaq.
Allah rəhmət etsin!
Etikxeber.az
