Ali təhsillə də bağlı qanunumuz olacaq – YENİLƏNİB

Milli Məclisin (MM) Elm və təhsil komitəsinin parlamentin qarşıdan gələn 2019-cu il yaz sessiyası ilə bağlı yanvarın 24-də ilk iclası keçirilib.

Oxu.Az-ın xəbərinə görə, adıçəkilən komitənin sədri, akademik İsa Həbibbəyli bildirib ki,  son payız sessiyasında komitənin 7 iclası keçirilib və bu iclaslarda 12 məsələ müzakirə olunub.

isa-habib

Həmçinin, payız sessiyasında komitəyə 149 müraciət, şikayət və ərizə daxil olub, onlardan 137-si aidiyyəti orqanlara göndərilib.

Onun sözlərinə görə, bununla yanaşı,  2019-cu ilin yaz sessiyasında yeni bir qanun layihəsinin – “Ali təhsil haqqında” sənədin hazırlanması və bunun üçün İşçi Qrupunun yaradılması nəzərdə tutulur.

Bununla yanaşı, yaz sessiyasında ötən il  birinci oxunuşdan keçmiş “Ümumi təhsil haqqında” qanun layihəsinin ikinci və üçüncü oxunuşlarda müzakirəsi və qəbulu nəzərdə tutulur.

***

“Yaxşı olardı ki, yaz sessiyası dövründə ali təhsillə bağlı qanun layihəsinin ilkin sxemini, müddəalarını formalaşdıraq. Eyni zamanda, yay ərzində onun üzərində işlərimizi davam etdirək, kimlərin təklifləri olsa, hamısını yaradacağımız İşçi Qrupuna versin. Çünki biz bunu sentyabr ayına, payız sessiyasına planlaşdırırq. Yəni, onu sentyabr ayında ilkin variantda komitə səviyyəsində müzakirə edib, payız sessiyasına tövsiyə etməyi düşünürük. Ona görə də aprel ayından hazırlıqlara başlamalıyıq”-deyə, İ. Həbibbəyli sözlərinə əlavə edib.

Kamil HƏMZƏOĞLU

Etikxeber.az

Read Previous

Sosial şəbəkə ən iti sürətli radio, televiziya, qəzet, informasiya agentliyi deməkdir – RAFAEL HÜSEYNOV

Read Next

Orta məktəbi rus, ingilis dilində oxumaq istəyənlərlə bağlı – YENİLİK

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir