Almas İldırımın oğlu: Bu gün Azərbaycan xalqı atamın arzu etdiyi müstəqil dövlətdə yaşayır – FOTO

Mayın 31-də Mədəniyyət və Turizm Nazirliyinin təşkilatçılığı ilə Beynəlxalq Muğam Mərkəzində Azərbaycan mühacirət ədəbiyyatının görkəmli nümayəndəsi, istiqlal şairi Almas İldırımın anadan olmasının 110 illiyi qeyd edilib.

Etikxeber.az xəbər verir ki, mədəniyyət və turizm nazirinin birinci müavini Vaqif Əliyev çıxış edərək şairin həyat və yaradıcılığından, Azərbaycan poeziyasına töhfələrindən danışıb. Bildirib ki, Azərbaycan mühacirət poeziyasının görkəmli simalarından biri, adı və əsərləri qəm, həsrət və ayrılıq simvolu kimi anılan Almas İldırım özünəməхsus poetik tərzi ilə hər zaman diqqəti çəkib. Altı il sürgün həyatı yaşayan Almas İldırım Dağıstandan, Türkmənistandan, İrandan keçərək Türkiyədə məskunlaşıb və ömrünün sonuna qədər burada yaşayıb-yaradıb.

Azərbaycan Yazıçılar Birliyinin sədri, Xalq Yazıçısı Anar şairin bir çox şeirlərinin, o cümlədən vətən həsrəti, yurd sevgisindən bəhs edən “Əsir Azərbaycanım” şeirinin dillər əzbərinə çevrildiyini vurğulayıb. O, şairin ən sevilən şeirlərini səsləndirib.

Tədbirlə əlaqədar Bakıya gəlmiş şairin oğlu Azər Almaszadə tədbirin təşkilatçısı olan Mədəniyyət və Turizm Nazirliyinin rəhbərliyinə təşəkkür edib. Qeyd edib ki, atası hər zaman Vətənini azad görmək istəyirdi. Almaz İldırım daim təqib və haqsız təhdidlər içində yaşayıb-yaratsa da, qəlbindəki istiqlal sevgisi heç zaman azalmayıb. Bu gün Azərbaycan xalqı Almas İldırımın arzu etdiyi azad və müstəqil dövlətdə yaşayır.

Tədbirdə Almas İldırımın unudulmaz şeirləri səsləndirilib, konsert proqramı təqdim edilib.

Etikxeber.az

Read Previous

“FETÖ”-yə ən böyük dəstək verən elə CXP-lilərdir: Kamal Kılıcdaroğlu, Mahmut Tanal…” – PETEK

Read Next

Helikopter qəzaya uğradı: TÜRKİYƏDƏ 13 HƏRBÇİ DÜNYASINI DƏYİŞDİ – YENİLƏNİB

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir