Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Anar İsrəfil oğlu İsrəfilov…
Ağdaş rayonunun İkinci Vətən Müharibəsi Şəhidi…
İgid, Qəhrəman, Vətən sevdalısı Azərbaycan övladı…
Vətinini canından, ailəsindən, balalarından üstün tutan Vətən fədaisi…
Nur üzlü İkinci Qarabağ Savaşı Şəhidi…
Anar İsrəfilov 1990-cı ilin yanvar ayının 4-də Ağdaş rayonunun Ləki kəndində-sadə bir ailədə dünyaya gəlib…
Ailənin üç övladından, iki qardaşdan biri olub…
Ləki kəndində orta təhsilini bitirdikdən bir müddət sonra həqiqi hərbi xidmətə yollanıb…
Əsgərliyini başa vurdiqdan sonra isə yenidən ailəsinə, evinə dönüb…
Müxtəlif sahələrdə, təhlükəsizlik xidmətlərində çalışıb…
O, həm də idmançı olub…
Ailə həyatı qurub…
Əvvəlcə iki övladı-Amili və Xədicəsi, Şəhidliyindən 15 gün sonra, İkinci Vətən Müharibəsi başa çatan gün isə adını daşıyan sonuncu-üzünü görmədiyi Anarı-Anar Anar oğlu İsrafilov dünyaya gəlib…
İkinci Vətən Müharibəsinə, Vətənin müdafiəsinə də özü könüllü atılıb…
Oktyabrın 5-dən 25-cən Füzuli, Cəbrayıl, Zəngilan və Qubadlı istiqamətlərində vuruşub, şərəfli döyüş yolu keçib…
Axırıncı dəfə ailəsi, atası İsrəfil kişi ilə danışıb Şəhidliyindən bir gün öncə-oktyabrın 24-də…
Gülə-gülə deyib ki, “hər şey yaxşılıqdır, hər şey qaydasındadır, hər şey yaxşı olacaq, narahat olmayın”…
Oktyabrın 25-də isə Füzuli rayonunda qəhrəmancasına Şəhidlik məqamına ucalıb…
Nəşi bir gün sonra, oktyabrın 26-da Ləki kənd qəbiristanlığında Əbədiyyətə uğurlanıb…
Şəhidliyindən sonra dörd medalla-“Vətən uğrunda”, “Füzulinin azad olunmasına görə”, “Cəbrayılın azad olunmasına görə” və “Cəsur döyüşçü” medalları təltif olunub…
Hazırda kəndlərində adını daşıyan küçə var…
***
Dünən-21 iyul 2023-cü il tarixində Şəhidimizin valideynləri ilə tanış oldum…
Onlarla İmişlili İkinci Vətən Müharibəsi Şəhidi Emin Süleymanovun Cənnətdəki üçüncü doğum günü mərasimində bir araya gəldim, hal-əhvallaşdım, söhbətləşdim, dərdləşdim…
Şəhidimizin valideynlərinə Allahdan səbr və dözüm dilədim…
“Şəhidimizin məkanı cənnətlik, ruhu şad olsun!”-dedim…
Şəhidimizin ruhu və onların qarşısında baş əydiyimi bildirdim…
Və söz verdim ki, bir gün gəlib onları da evlərində, Şəhidimizin ocağında ziyarət edəcəyəm…
Məqamı Uca, Dərgahı mübarək olsun-Şəhidimizin!
Nur içində uyusun!
***
FOTOLAR:
Kamil HƏMZƏOĞLU (HƏMİDOV)
Etikxeber.az
