Azərbaycan güləşçilərinin “İslamiada”da ilk qızıl medalını Orxan Nuriyev qazandı

Azərbaycan millisi “Bakı-2017”nin güləş yarışlarında ilk qızıl medalını qazanıb.

Etikxeber.az xəbər verir ki, turnirdə 98 kiloqram çəki dərəcəsində mübarizə aparan güləşçimiz Orxan Nuriyev qızıl medal uğrunda görüşdə qırğızıstanlı Uzur Juzupbekov ilə qarşılaşıb.

Gərgin idman mübarizəsi şəraitində keçən görüşdə Orxan Nuriyev rəqibini 5:0 hesabı ilə məğlub edərək “Bakı-2017”nin çempionu olub.

Azərbaycan çempionatı və kuboku yarışlarında mükafatçılar sırasında yer alan güləşçimiz cari ildə Macarıstanda təşkil olunan U-23 Avropa birinciliyinin qalibi olub. O, həmçinin İranda keçirilən dünya kuboku yarışlarında çempion adını qazanıb.

Etikxeber.az