“Azərbaycan təşəbbüskar olub ki…” – VALEH ƏLƏSGƏROV

“Azərbaycan Xəzəryanı ölkələrlə səmərəli əməkdaşlığın tərəfdarı olub. Xəzər dənizinin delimitasiyası məsələsində Azərbaycan təşəbbüskar olub, beynəlxalq hüquq çərçivəsində bu məsələnin həllinə töhfələr verib”.

Etikxeber.az xəbər verir ki, bunu bu gün Bakıda keçirilən II SOCAR Beynəlxalq “Xəzər və Mərkəzi Asiya – Neft Emalı, Neft-kimya, Ticarət və Logistika” Forumunda Milli Məclis sədrinin müavini, parlamentin Təbii ehtiyatlar, energetika və ekologiya komitəsinin sədri Valeh Ələsgərov deyib.

Onun sözlərinə görə, artıq Azərbaycan, Rusiya və Qazaxıstan arasında Xəzər dənizinin dibinin bölüşdürülməsi məsələsi həllini tapıb. V.Ələsgərov digər Xəzəryanı ölkələrin də bu sazişlərə qoşulacağına ümid etdiyini bildirib.

“Azərbaycan Xəzəryanı ölkələr üçün nümunə olaraq Xəzər dənizindən hasil olunan neft və qazı dünya bazarlarına çıxara bildi. Hazırda TANAP və TAP layihəsi istiqamətində müvafiq tədbirlər görülür. Əminəm ki, 2018-ci ilin sonu, ən gec 2019-cu ilin əvvəlində Azərbaycan qazı dünya bazarına çıxarılacaq” – deyə, o, vurğulayıb.

Etikxeber.az

Read Previous

QDİƏT PA-nın komitə iclası keçirilir

Read Next

Birinci vitse-prezident Mehriban Əliyevanın köməkçisi dövlət qulluqçusu olacaq – YENİLƏNİB (4)

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir