“Azərbaycan Dəmir Yolları”: “Dəmir yolunun Heybət – Puta mənzilində 3 kilometr yol əsaslı təmir olunur”

Dəmir yollarının əsaslı təmiri prosesinin növbəti mərhələsi davam edir.

“Azərbaycan Dəmir Yolları” Qapalı Səhmdar Cəmiyyətinin mətbuat katibliyindən Etikxeber.az-a bildirilib ki, Bakı – Böyük Kəsik istiqamətində 600 kilometr dəmir yolu əsaslı təmir olunur. Oktyabrın 25-də isə dəmir yolunun Heybət – Puta mənzilində 3 kilometr yolun əsaslı təmirinə start verilib. Təmir işləri dörd gün davam edəcək.

Əsaslı təmir işlərini 5 saylı “İxtisaslaşdırılmış Dəmir Yolu Müəssisəsi” MMC-nin kollektivi aparır. MMC-nin baş direktoru Rizvan Rzayevin verdiyi məlumata görə, artıq səhər saatlarında köhnə yolun söküntüsünə başlanılıb.

Qeyd edək ki, 2015-ci il aprelin 14-də “Azərbaycan dəmir yollarının yenidən qurulması” layihəsinin 2-ci mərhələsinin icrası məqsədilə “Azərbaycan Dəmir Yolları” Qapalı Səhmdar Cəmiyyəti ilə Çexiya Respublikasının “MORAVİA STEEL” şirkəti arasında “Azərbaycan Respublikası dəmir yollarının Bakı – Böyük Kəsik sahəsində 600 kilometr hissənin maddi–texniki təchizatı və əsaslı təmiri” barədə ixrac müqaviləsinə əlavə saziş imzalanıb.

Yeni layihənin icrasına 2015-ci il oktyabr ayının sonlarında başlanılıb və indiyə kimi 170 kilometr dəmir yolu əsaslı təmir olunub.

Etikxeber.az

Read Previous

Karlos Alberto Torres dünyasını dəyişdi

Read Next

“Tanış, dost, dayı keçmir…Keçmir…Keçmir…” – SOCAR rəsmisinin iddiası

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir