Azərbaycan və Türkiyə ordularının birgə əməliyyat-taktiki təlimləri başlayır-BU GÜNDƏN

Bu gün Azərbaycan və Türkiyə Müdafiə Nazirliklərinin birgə illik planına əsasən, hər iki ölkənin hərbi qulluqçularının iştirakı ilə əməliyyat-taktiki təlimləri başlayır. 

Müdafiə Nazirliyindən (MN)  Etikxeber.az-a verilən məlumata görə, ölkədə təşkil olunacaq təlimlər Azərbaycan Ordusunun hərbi birliklərinin cavabdehlik zonalarının müxtəlif istiqamətlərində yerləşən ümumqoşun poliqonlarında keçiriləcək.

Təlimlərin əsas məqsədi Azərbaycan və Türkiyə ordularının əməliyyat bölmələrinin qarşılıqlı fəaliyyətinin təkmilləşdirilməsi və döyüş qabiliyyətinin yüksəldilməsi, əməliyyat bölmə komandirlərinin hərbi qərar qəbuletmə, təşəbbüs göstərmə və idarəetmə bacarıqlarının inkişaf etdirilməsidir.

Təlimlər aprelin 9-na kimi davam edəcək.

Etikxeber.az

Read Previous

Azərbaycanda hərbçi yanaraq-DÜNYASINI DƏYİŞDİ…

Read Next

Milli Məclisdə komitə sədri ilə daha bir Qazinin-İKİ MEDALLI TƏRLAN BABAŞOVUN GÖRÜŞÜ BAŞ TUTDU VƏ… – FOTOLAR

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir