Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bərdə rayonunun Aprel döyüşləri Şəhidlərindən olan Ziya Niyazi oğlu Həsənovun Anım Günüdür.
Bu gün Ziya Həsənovun Əbədiyyətə uğurlanmasından 8 il keçir.
Etikxeber.az xəbər verir ki, Ziya Həsənov 1989-cu ilin 11 oktyabr tarixində dünyaya gəlib.
Əslən Ağdamlı olan Ziya Həsənov ailəsi ilə birlikdə Bərdənin Lək kəndində yaşayıblar.
Ailənin üç övladından, iki qardaşdan biri olub.
Cəmşid Naxçıvanski adına Hərbi Liseyi və Heydər Əliyev adına Ali Hərbi Məktəbi bitirib.
2012-ci ildə Müdafiə Nazirliyinin Təlim-Tədris Mərkəzində təlimlərdə fərqlənib, cəbhə xəttində tağım komandiri, Leytenant kimi fəaliyyət göstərib, 2015-ci ildən isə Baş leytenant hərbi rütbəsini daşıyıb.
Sonra ailə vəziyyəti ilə əlaqədar Beyləqandakı N saylı hərbi hissəyə tağım komandiri təyin edilib.
2016-cı ildə Aprel döyüşlərində iştirak edib və Lələtəpə istiqamətində gedən döyüşlərdə qəhrəmancasına Şəhidlik məqamına ucalıb.
Şəhidliyi xəbəri ailəsinə aprelin 4-də xəbər verilib və nəşi ayın 5-də Bərdə rayon Şəhidlər Xiyabanında dəfn edilib.
Şəhidliyindən sonra ölkə Prezidenti tərəfindən “Hərbi xidmətdə fərqlənməyə görə” 3-cü dərəcəli medalı ilə təltif olunub.
O, həm də ailəli olub.
Şəhidliyindən sonra bir qız övladı-Yağmuru dünyaya gəlib.
O, həm də Bərdənin iki Aprel döyüşləri Şəhidlərindən biridir.
Eyni zamanda, iki il öncə dünyaya gələn qardaşı oğluna Onun adı verilib.
Məkanı cənnətlik, ruhu şad olsun!
Ruhu qarşısında baş əyirik!
Nur içində yatsın!
Kamil HƏMZƏOĞLU
Etikxeber.az
