Bəşər Əsədlə görüşdü, AŞPA-da ona qarşı etimad məsələsi qaldırıldı…

Parlament Assambleyasının (AŞPA) yaz sessiyasının iclasında qurumun sədri Pedro Aqramunta etimad məsələsi qaldırılıb.

Etikxeber.az xəbər verir ki, AŞPA sədri çıxışa başlayan kimi assambleya üzvlərinin əksəriyyəti zalda ayağa qalxaraq onun istefasını tələb ediblər.

Buna səbəb kimi Pedro Aqramuntun Suriyaya səfəri və orada Bəşər Əsədlə görüşü göstərilib.

Aqramunt isə Suriyaya səfərinin yanlış addım olduğunu bildirib.

“İcazə verin bəyan edim ki, bu səfər yanlış idi və mən nəticələri nəzərə alaraq bunu etiraf edirəm”– deyə, o, vurğulayıb.

Lakin deputatlar sakitləşməyiblər.

Çıxışını yarımçıq dayandıran AŞPA sədri iclas zalını tərk edib. İclas AŞPA-nın vitse-prezidenti, Avropa Xalq Partiyası qrupunun sədri Gale Rogerin sədrliyi ilə davam edir.

Aqramunt isə bu gün iclasa sədrlik etməyəcək. Prosedura görə, sabah Aqramunt AŞPA-nın qrup rəhbərləri və üzvləri ilə ayrıca toplantı keçirməli, onların suallarına aydınlıq gətirməlidir. Sabaha qədər plenar iclasa vitse-prezidentlər sədrlik edəcək.

Sabah xüsusi toplantıda Aqramuntun aqibətinə aydınlıq gələcək.

Qeyd edək ki, P. Aqramunt Rusiya Dövlət Dumasının sədr müavini Vladimir Vasilyevin rəhbərlik etdiyi Rusiya nümayəndə heyəti ilə birlikdə bu ilin martında Suriyaya səfər edərək, bir sıra görüşlər keçirib, o cümlədən Suriya prezidenti Bəşər Əsədlə görüşüb.

Etikxeber.az

Read Previous

Aprel döyüşlərində yaralanmış hərbçilər birinci vitse-prezidentin təşəbbüsü ilə protezlə təmin edildi – FOTOLAR

Read Next

Mal-qara, televizor, kompüter girov qoyaraq kredit götürmək mümkün olacaq – YENİLƏNİB (2)

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir