Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bakının Binəqədi rayonuda 10 may tarixində baş vermiş son illərin ən qəddar qətlinin-Emin 444 cinayətinin təfərrüatları ilə bağli bəzi faktlar ortaya çıxıb.
Etikxeber.az-ın Kanal 24.az-a istinadən xəbərinə görə, 6-cı mikrorayon ərazisində yerləşən İsrafil Həşimov küçəsində Masallı sakini Emin Səfərov 78 bicaq zərbəsi alıb və xüsusi amansızlıqla öldürülüb.
Hətta ən təcrübəli kriminalistlər Emin Səfərovun qətlindəki qəddarlığın dərəcəsinə təəccüb ediblər.
Qanlı hadisə ilə əlaqəli Naxçıvanın Şərur rayonunda anadan olmuş, paytaxtın Binəqədi rayonunda kirayədə yaşayan Həsən Tağıyev və kikboksçu Zaur Əli oğlu Yusifov saxlanilmışdı.
Mərhumun anasının iddiasına görə, Emini qrup şəklində 5 nəfər öldürsə də, cəmi 2 nəfər həbs edilib.
Kanalımıza müsahibəsi zamanı Eminin anası istintaq işinin gedişatindan narazı olduğunu bildirərək Binəqədi rayon Prokurorluğunun əməkdaşlarının işi düzgün aparmadıqlarını iddia edib.
Eminin əmisi də işin gedişatında bəzi məqamlara toxunaraq məsələnin ört-basdır edilməsində rüşvət faktorunun olduğunu bildirib.
Ailə bu cinayətin ədalətli,obyektiv araşdırılmasını və qətli törədən digər 3 nəfərin də istintaqa cəlb edilməsini tələb edir.
Etikxeber.az
