Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bakıda hansısa məmur büdcədən pul qoparmaq üçün oyun quracaq, Biləsuvarda vətəndaş yayın qızmarında kanala su gəlişini gözləyəcək! Vallah əladır! Bundan əvvəl də demişdim, bir daha yazıram, Azərbaycanda su qıtlığından daha böyük problem Bakıda, bəli, məhz Bakıda bəzi yarıtmaz məmurların fəaliyyətsizliyidir.
Etikxeber.az xəbər verir ki, bunu millət vəkili Bəhruz Məhərrəmov deyib.
“Təsəvvür edin, cənab Prezident özü qeyd edir ki, “Azərsu, meliorasiya qurumları, sadəcə olaraq, dövlət investisiya proqramı müzakirə olunarkən fəallaşırdılar ki, onlara nə qədər dövlət büdcəsindən pay düşəcək.Bəzi hallarda onların təklif etdikləri layihələr, ümumiyyətlə, diqqətəlayiq deyildi. Sadəcə olaraq görürdüm ki, burada məqsəd dövlət vəsaiti götürüb ondan istifadə etməkdir…”.
Bu, birmənalı olaraq cənab Prezidentə və Azərbaycan xalqına xəyanətdir. Belələri ilə nəinki su qıtlığını aradan qaldırmaq, heç bir çaynik su gətirməyə də getmək olmaz. Səsimizə həmişəki kimi səs verdiyiniz üçün təşəkkürlər, cənab Prezident! Azərbaycan vətəndaşının yeganə ümidi Sizsiz!”-deyə, millət vəkili sözlərinə əlavə edib.
Qeyd edək ki, Azərbaycanda, o cümlədən, Biləsuvrada su qıtlığını, su problemini ən çox dilə gətirən millət vəkillərindən biri (və birincilərdən) məhz B. Məhərrəmovdur.
O, həm parlamentdəki çıxışlarında, həm mətbu açıqlamalarında (o cümlədən, Etikxeber.az-da), həm də sosial şəbəkə paylaşımlarında dəfələrlə bu məsələyə toxunub, aidiyyatı qurumları təxirəsalınmaz tədbirlər görməyə, vəzifələrini icra etməyə səsləyib.
Etikxeber.az
