Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Seçkinin ilkin nəticələrinə görə, Belarusun hazırkı Prezidenti Aleksandr Lukaşenko ölkənin bütün bölgələrində qalib gəlib.
Etikxeber.az RİA Novosti-yə istinadən məlumat verir ki, bunu Belarus Mərkəzi Seçki Komissiyasının (MSK) rəhbəri Lidia Yermoşina “Belarus-1” televiziyasının efirində bildirib.
Qeyd edib ki, Minsk şəhərinin Leninski rayonunda seçicilərin 64% -dən çoxu iştirak edib, Lukaşenko demək olar ki, 67%-dən çox, onun rəqibi Svetlana Tixanovskaya isə təxminən 15% səs toplayıb:
“Brest vilayətinin 4 rayonunda seçici fəallığı 95,7% olub. Burada Lukaşenko səslərin təxminən, 80%-ni, Tixanovskaya isə 3,8%-ni qazanıb”.
MSK rəhbəri əlavə edib ki, Qomel bölgəsinin 4 rayonun da isə seçicilərin 90%-i Lukaşenkoya, 3,2%-i isə Tixanovskayaya səs verib:
“Daha bir neçə rayonlar üzrə səsvermənin ilkin nəticələri məlumdur. Onların bəzilərində Lukaşenko 90% -dən çox, Tixanovskaya isə 4% səs alıb”.
Onu da qeyd edək ki, seçkilərin ilkin nəticələrinə etiraz əlaməti olaraq, Belarusda, paytaxt Minskdə etiraz aksiyalarının keçirilməsinə cəhdlər edildiyi, bəzi yerlərdə qarşıdurma yarandığı barədə məlumatlar yayılmaqdadır.
***
07:57
***
İlkin nəticələrə görə Lukaşenko səslərin 80,23%-ni toplayıb.
Bu barədə Belarus MSK-sının rəhbəri bildirib.
Belarus Prezidentinin əsas rəqibi Tixanovskya isə 9,9% səs toplayıb.
Etikxeber.az
