Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Gənc və tanınmış jurnalist, yazar Aydın Tağıyevin İkinci Vətən Müharibəsi Şəhidlərinə həsr etdiyi “Böyük Zəfərin 101 Şəhidi” adlı kitabının təntənəli təqdimat mərasimi olub.
Etikxeber.az xəbər verir ki, iyunun 16-da, saat 12:00-da Azərbaycan Milli Elmlər Akademiyasının (AMEA) Mərkəzi Elmi Kitabxanasının “Şuşa” zalında baş tutan təqdimat mərasimində kitabın müəllifi və ailə üzvləri, ziyalılar, media mənsubları, gənc sənətçilər, AMEA-nın əməkdaşları, o cümlədən Bakı və Sumqayıt şəhərlərindən, Şamaxıdan, Astaradan, Xocavənddən, Bərdədən, Ağcabədidən, Ağdamdan və digər bölgələrdən olan Şəhid ailələri, Qazilər iştirak ediblər.
Mərasimdə öncə Şəhidlər xatirəsi bir dəqiqəlik sükutla yad olunub, Dövlət himni səsləndirilib.
Sonra çıxışlar edilib.
Kitabın müəllifi Aydın Tağıyevin “Böyük Zəfərin 101 Şəhidi”nin ərsəyə gəlməsindən danışıb.
Çıxışlarda İkinci Vətən Müharibəsindən, tarixi Qələbə və Zəfərimizdən, Şəhidlərin fədakarlıqlarından, İgidlik və Qəhrəmanlıqlarından bəhs olunub.
Eyni zamanda, belə bir kitabın ərsəyə gətirilməsinə görə müəllifə minnətdarlıq ifadə olunub.
Tədbirdə həmçinin, gənc sənətçilər tərəfindən Vətənə, Şəhidlərə həsr olunmuş mahnılar ifadə edilib.
Təqdimat mərasimi iki saata yaxın davam edib.
Mərasimin sonunda tədbir iştirakçılarına, Şəhid ailələrinə kitablar hədiyyə olunub, xatirə fotoları çəkdirilib.
14:23
***
FOTOLAR:
Kamil HƏMZƏOĞLU (HƏMİDOV)
Etikxeber.az
