“Bu nə pərhiz, bu nə lahana turşusu?” – DAHA BİR DEPUTATDAN “DAMAD”LARA TƏPKİ

AKP-dən olan daha bir millət vəkili  İstanbul Böyükşəhər bələdiyyəsinin başqanı Kadir Topbaşın və eks-spiker  Bülent Arınçın damadlarının (kürəkənlərinin) “FETÖ”-çü kimi həbs olunub, sonra da sərbəst buraxılmalarına sərt təpki göstərib.

Etikxeber.az-ın Türkiyə mediasına istinadən xəbərinə görə, bu, millət vəkili Mehmet Mətinərdir.

O, adları çəkilən şəxslərin təxliyyələri ilə bağlı bunları deyib:

“…Niyə sərbəst buraxıldıqlarını sormayalım.

Biriləri bizi zalimliklə (!) suçlamasın deyə.

Biriləri də bizləri “dəlil durumunu bilmədən, hüquq nədir bilmədən danışır” suçlamasına məruz buraxmasın deyə.

O zaman belə soruşuram: Niyə həbs etdiniz?

Əlinizdə dəlil olmadığı halda, həbs edirsiniz,  amma qüsura baxmayın, bu yargıya millətin güvəni, etibarı olmaz.

Dəlil olduğu halda, hansı nədənlə-səbəblə olursa- olsun buraxırsanız, o zaman da sizdən soruşarlar: Bu nə pərhiz, bu nə lahana turşusu?

Təkrarən və önəminə binaən söyləyirəm: İki gün sonra sərbəst buraxacağınız birini nə deyə həbs edərək, həm yargı qurumu olaraq özünüzə, həm də siyasət qurumu olaraq bizlərə sıxıntı yaşadırsınız?…”

Etikxeber.az