“Bu səviyyəli oyunların hər biri tamaşadır ki var!”- DEPUTAT “REAL”-DAN YAZDI – FOTOLAR

2017-ci il noyabrın 5-i. İspaniyada, Madrid şəhərində Real Madrid və UD LAS PALMAS komandalarının oyununu seyr edərkən.

Bu matç Real Madridin 3:0 hesablı qələbəsi ilə tamamlandı.

Stadionun ağzına qədər dolu olması mənimçün təccüblü deyildi.

Çünki onu hiss etdim ki, burada camaat sadəcə bir idman yarışını seyr etməyə deyil, sanki bir gözəl teatr tamaşasına baxmağa gəlir.

Amma niyə “sanki”?

Elə həqiqətdə də bu səviyyəli oyunların hər biri tamaşadır ki var!

Daha maraqlısı o idi ki, bu qədər insanın oyundan sonra stadionu tərk etməsi necə dəqiq tənzimlənərək təşkil edilir.

Və insanlar da nə qədər asudə, tələsmədən, bir-binə mane olmadan, basırıqsız, zərrəcə narahatlıq duymadan 2 saatlıq istirahətdən sonra evlərinə qayıdırlar.

Rafael HÜSEYNOV,

Millət vəkili, akademik

Etikxeber.az