“Bu tendensiyanın qorunub saxlanılması bütün Azərbaycan xalqının hamılıqla gündəlik həyat tərzinə çevrilməlidir…”-DEPUTAT

Heç bir dövlətin hazır olmadığı COVID-19 virusunun yaratdığı pandemiya şəraiti Azərbaycanda da mart ayından vurduğu hərtərəfli ziyanla özünü göstərməkdədir. Dövlətimizin başçısının daimi nəzarətində olan mübarizə tədbirləri, səhiyyə sahəsində atılmış ciddi addımlar, insan sağlamlığının qorunması, həmçinin onların həyat şəraitinə daha çox dəyə biləcək ziyanların qarşısının alınması, ümumilikdə dövlətimizin bu problemdən daha az zərərlə çıxmasına yönəlik fəaliyyət davamlı olaraq aparılmaqdadır.

Etikxeber.az xəbər verir ki, bunu mətbuata açıqlamasında deputat Məzahir Əfəndiyev bildirib.

Deputatın dediyinə görə, şübhəsiz ki, bu mübarizənin aparılmasında əsas məsələ dövlətin imkanlarının bir daha götür-qoy olunmasını, habelə mövcud dövlət büdcəsinin dayanıqlılığının optimallaşmasını diktə edirdi.

“Hökumət tərəfindən həyata keçirilən tədbirlərlə yanaşı, pandemiya şəraitinə uyğun zəruri qanunların qəbul olunması istiqamətində qanunverici orqan olan Milli Məclis də paralel fəaliyyət göstərib. Cari ilin dövlət büdcəsinin dürüstləşdirilməsinə dair, habelə iqtisadiyyatın həssas dönəmində dövlət büdcəsinə yenidən baxılmasını zəruri edib.

Dövlət büdcəsinə dəyişikliklərlə bağlı qəbul olunan qanun layihəsində əsasən pandemiyadan irəli gələn çağırışlar rəhbər tutulub və dövlət büdcəsinin xərcləri artırılıb. Belə ki, dövlət təhlükəsizliyi, səhiyyə islahatları, iqtisadi fəaliyyət subyektləri, həmçinin rəqəmsallaşma istiqamətində dürüstləşdirilmiş büdcədə əlavə xərclər müəyyən olunub. Eyni zamanda, Milli Məclisin avqust ayının 5–7-də keçirilmiş növbədənkənar iclasında altı məsələyə baxılıb. Qəbul olunmuş qanun layihələri Azərbaycan vətəndaşlarının sağlamlığının, sosial rifahının yaxşılaşdırılmasına, habelə ölkəmizin müstəqilliyinin xarici təhdidlərdən qorunmasının təmin olunmasına xidmət edən qanunlardır. Hesab edirəm ki, büdcəyə düzəlişlər çətin dövrdə dövlətin vətəndaşa dəstək vermək niyyətini aydın göstərir”.

M. Əfəndiyev qeyd edib ki, bu gün artıq ölkə rəhbərliyinin COVID-19 pandemiyası ilə apardığı mübarizədəki rəhbər tutduğu idarəçilik rəsmi rəqəmlərdə özünü nəinki doğruldur, hətta bu yanaşmanın yeni, nümunəvi idarəçilik modeli olması beynəlxalq təşkilatlar tərəfindən səsləndirilir. Hökumətin 24 saat çalışması bahasına əldə olunmuş müsbət nəticələr xalqımız tərəfindən dəyərləndirilir. Bu tendensiyanın qorunub saxlanılması bütün Azərbaycan xalqının hamılıqla gündəlik həyat tərzinə çevrilməlidir:

“Əminəm ki, qədirbilən xalqımız bu mübarizədən üzü ağ və az zərərlə həmrəylik, dözüm, səbir nümayiş etdirərək çıxacaq, Prezidentin “Biz Birlikdə Güclüyük” devizinə əməli töhfə verəcək”.

Etikxeber.az

Read Previous

“A”dan “Z”-yə hər addım ölçülür-biçilir, ən uyğun addımlar atılır, ən əlverişli variantlar üzərində dayanılır…”-QƏNİRƏ PAŞAYEVA YAZIR

Read Next

“Dövlət şirkətlərində ciddi yoxlamalar aparılacağı, həmin şirkətlərin rəhbərlərinin, yaxud, ayrı-ayrı vəzifəli şəxslərinin işdən azad edilməsi, hətta həbsləri istisna deyil. …”-BƏHRUZ MƏHƏRRƏMOV

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir