Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Şamaxı rayonunun İkinci Vətən Müharibəsi Şəhidlərindən, Vətən torpaqları uğrunda canını fəda edən İgidlərimizdən biri də Ziyad Nəriman oğlu Zərbalıyevdir..
Cəmi 18 yaşında qəhrəmancasına Şəhidlik məqamına Ucalan Ziyad Nəriman oğlu…
Vətənini ailəsindən, doğmalarından üstün tutan və Şəhadətə qovuşan Ziyad Zərbalıyev…
Ziyad 2002-ci il mayın 19-da Şamaxı şəhərində, sadə bir ailədə anadan olub…
Ailədə iki övlad, iki qardaş olublar…
Ziyad həm də evin-ailənin sonbeşiyi idi…
2008-2017-ci illərdə S.M.Qənizadə adına 1 saylı Şamaxı şəhər tam orta məktəbində oxuyub…
Sonra, 2017-2019-cu illərdə təhsilini Şamaxı Dövlət Regional Kollecində davam etdirib…
İkinci Vətən Müharibəsində isə bir neçə ayın Əsgəri kimi iştirak edib…
Şərəfli döyüş yolu 24 gün çəkib…
2020-ci ilin oktyabr ayının 20-də isə Füzuli istiqamətində qəhrəmancasına Şəhidlik məqamına ucalıb…
Nəşi 2 gün sonra, oktyabrın 22-də Şamaxı Şəhidlər Xiyabanında Əbədiyyətə uğurlanıb…
Şəhidliyindən sonra “Vətən uğrunda”, “Füzulinin azad olunmasına görə” və 3-cü dərəcəli “Vətənə xidmətə görə” ordeni ilə təltif edilib…
O, həm də subay olub.
Şamaxıda adını daşıyan küçə var.
Etikxeber.az xəbər verir ki, Cənnətdəki dördüncü doğum günü, 22 yaşının tamam olması ilə bağlı bu gün səhər saatlarında Şəhidin Şamaxı Şəhidlər Xiyabanında məzarı ziyarət olunub.
Məzarı üzərinə gül dəstələri düzülüb, ruhuna dualar edilib, “Quran” oxunub…
Şəhidlərin xatirəsi bir dəqiqəlik sükutla yad olunub…
Qısa çıxışlar edilib, ailəsinə Allahdan səbr və dözüm arzulanıb, Cənnətdəki dördüncü doğum günü təbrik olunub…
Sonra Şəhidin ocağında adına məclis düzənlənib, ehsan süfrəsi təşkil olunub, bir daha ruhuna dualar edilib…
Şəhidin məzarını ziyarətdə və adına açılan ehsan süfrəsində ailə üzvləri, Şamaxılı, Qobustanlı və İsmayıllılı Şəhid ailələri, din xadimləri və digər şəxslər iştirak ediblər.
11:16
***
FOTOLAR:
11:19
***
Kamil HƏMZƏOĞLU (HƏMİDOV)
Etikxeber.az
