Cənnətdəki ikinci doğum günündə, 28 yaşının tamamında-ƏFSANƏVİ XÜSUSİ TƏYİNATLI, BƏRDƏLİ “QİSAS” ƏMƏLİYYATI ŞƏHİDİ NAMİQ MƏMMƏDLİNİN MƏZARI ZİYARƏT OLUNDU…

Cənnətdəki ikinci doğum günü, 28 yaşının tamam olması ilə bağlı bu gün-2 may 2024-cü il tarixində, səhər saatlarında Bərdə rayonunun Təhlə kəndindən olan “Qisas” əməliyyatı Şəhidi, Əfsanəvi Xüsusi Təyinatlı Namiq Ağamməd oğlu Məmmədlinin Bəcirəvan kənd qəbiristanlılğındakı məzarı ziyarət olunub.

Etikxeber.az xəbər verir ki, 2 may 1996-cı il təvəllüdlü, ailənin iki hərbçi oğlan övladından biri olan Namiq Məmmədlinin məzarı üzərinə gül dəstələri düzülüb, ruhuna dualar edilib, “Quran” oxunub.

Məzarı başında qısa çıxışlar edilib, ailəsinə Allahdan səbr və dözüm arzulanıb, Cənnətdəki ikinci doğum günü təbrik olunub.

Həmçinin, məktəblilər tərəfindən Şəhidlərə, Vətənə həsr olunmuş şeirlər səsləndirilib.

Əfsanəvi Xüsusi Təyinatlı, “Qisas” əməliyyatı Şəhidi-BƏRDƏLİ NAMİQ MƏMMƏDLİNİN CƏNNƏTDƏKİ İKİNCİ DOĞUM GÜNÜDÜR, SABAH 28 YAŞI TAMAM OLUR…

Məzarını ziyarətdən sonra Bəcirəvan kənd qəbiristanlığında adına çay-ehsan süfrəsi təşkil olunub, bir daha ruhuna dualar edilib.

Şəhidin məzarını ziyarətdə və çay-ehsan süfrəsində ailə üzvləri, yaxınları, Bərdəli Şəhid ailələri, Qazilər, hərbçilər, polis əməkdaşları, məktəblillər iştirak ediblər.

Məkanı cənnətlik, Cənnətdəki ikinci doğum günü mübarək olsun!

Nur içində yatsın!

***

FOTOLAR:

Kamil HƏMZƏOĞLU (HƏMİDOV)

Etikxeber.az