Cənnətdəki üçüncü doğum günü, 31 yaşının tamam olması ilə bağlı bu gün səhər saatlarında Qubalı İkinci Vətən Müharibəsi Şəhidi, ailənin dörd övladından biri, üç bacının tək və subay qardaşı, Gizir, 5 medallı Sadiq Xubyar oğlu Azayevin Qonaqkənd qəsəbəsindəki məzarı ziyarət olunub.
Məzarı üzərinə gül dəstələri düzülüb, ruhuna dualar oxunub.
Etikxeber.az-ın xəbərinə görə, ziyarətdən sonra Xaçmazın Yergüc kəndində-anası Qızılgül Azayevanın yaşadığı evdə Şəhidin Cənnətdəki üçüncü doğum günü ilə bağlı məclis düzənlənib.
Adına ehsan süfrəsi açılıb, bir daha ruhuna dualar edilib.
Ailəsinə, anası Qızılgül xanıma Allahdan səbr və dözüm arzulanıb, Cənnətdəki üçüncü doğum günü təbrik olunub.
Qeyd edək ki, məzarını ziyarətdə və Cənnətdəki üçüncü doğum günü ilə bağlı məclisdə Şəhidin ailə üzvləri, Quba və Xaçmazdan olan Şəhid ailələri, Qubalı və Xaçmazlı Qazilər, din xadimləri və digər şəxslər iştirak ediblər.
Məkanı cənnətlik, Cənnətdəki üçüncü doğum günü mübarək olsun!
14:20
***
FOTOLAR:
14:40
***
14:52
***
Kamil HƏMZƏOĞLU (HƏMİDOV)
Etikxeber.az
