Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
İkinci Vətən Müharibəsi Şəhidlərindən olan Alim Səhrab oğlu İbrahimovun anasına “Şəhid anası” medalı və vəsiqəsi təqdim olunub.
Etikxeber.az xəbər verir ki, bu gün-21 noyabr tarixində Mingəçevirli Şəhid Alim İbrahimovun anası Xalidə Fərrux qızı İbrahimovaya “Vətən Naminə” Şəhid ailələrinə Dəstək İctimai Birliyinin (İB) təsis etdiyi “Şəhid anası” medalı və vəsiqəsi təqdim edilib.
Şəhid anasına medal və vəsiqəni jurnalist Kamil Həmzəoğlu Mingəçevir şəhər Şəhidlər Xiyabanında, Şəhidin məzarı başında təqdim edib.
Şəhid anası da öz növbəsində “Vətən Naminə” təşkilatına və təşkilatın rəhbəri, Qubalı Şəhid Miqdad Abduləlimovun anası Tünzalə Abuləlimovaya minnətdarlığını ifadə edib.
Qeyd edək ki, Alim İbrahimov 1993-cü 26 dekabrında Ucar rayonunun Qazıqumlaq kəndində sadə bir ailədə anadan olub.
Musiqiçi olan Alim İbrahimov ailənin iki övladından biri və subay oğlu olub.
O, İkinci Vətən Müharibəsi zamanı Suqovuşan istiqamətində Şəhid olub və nəşi noyabr ayının 2-də Mingəçevir şəhər Şəhidlər Xiyabanında torpağa tapşırılıb.
Kamil HƏMZƏOĞLU (HƏMİDOV)
Etikxeber.az