Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Moldovada keçirilən Prezident seçkilərinin ikici turunda protokolların 100%-i işlənilib və nəticələrə görə, keçmiş Baş nazir, “Fəaliyyət və Həmrəylik” Partiyasının lideri Maia Sandu liderliyə yüksəlib.
Etikxeber.az RİA Novosti-yə istinadən xəbər verir ki, bu barədə Moldovanın Mərkəzi Seçki Komissiyası (MSK) məlumat yayıb.
Qeyd edək ki, ikinci müddətə prezidentliyə namizəd hazırkı dövlət başçısı İqor Dodon və keçmiş baş nazir, müxalifət partiyasının lideri Maia Sandu ikinci tura yüksəliblər.
“Moldovanın yeni prezidenti məlumdur.Seçkilərin 2-ci turunda qərbyönlü Maya Sandu mövcud prezident, Rusiyanın adamı İqor Dodon üzərində qələbə qazanıb. Sandu 55%, Dodon 45% səs toplayıb. Ölkə xaricindəki moldovalılar seçkidə çox böyük fəallıq göstəriblər. Bir çox Avropa şəhərindəki (Frankfurt, London, Paris) Moldova diplomatik nümayəndəliklərində yaradılmış seçki məntəqələrində böyük izdiham yaşanıb, nəticədə bülleten çatmayıb və məntəqələr vaxtından əvvəl bağlanıb”.
Bunu isə politoloq Şahin Cəfərli öz statusunda qeyd edib.
“Ümumilikdə 260 mindən çox diaspora mənsubu və miqrant səs verib, Sandu 70%-dən artıq səs alıb. Paytaxt Kişinyovda isə Sandu 60% səs qazanıb.Separatçı Dnestr regionu seçicilərinin 85%-i Dodona səs verib. 1972-ci il təvəllüdlü Maya Sandu Harvardda oxuyub, Vaşinqtonda Dünya Bankının icraçı direktorunun müşaviri olub. Vətənində təhsil naziri (3 il) və baş nazir (5 ay) vəzifələrində çalışıb”-deyə, o, əlavə edib.
Qeyd edək ki, M. Sandunun 48 yaşı var.
Subaydır.
4 dildə-ingilis, rus, rumın və ispan dillərində sərbəst danışır.
O, Dodondan fərqli olaraq, daha çox Qərbpərəst siyasətçi və Moldovanın Rumıniyaya birləşdirilməsi tərəfdarı kimi tanınır.
Etikxeber.az
