Daha bir Şəhid ailəsində şad gün yaşandı: GORANBOYLU ŞƏHİD ELŞƏN KƏRİMOVUN BACISI İLƏ QAZİ ZAKİR VƏLİYEVİN QARDAŞININ TOY MƏRASİMİ OLDU… – FOTOLAR – YENİLƏNİB – (2)

İyun 9, 2024

CƏMİYYƏT

581

2 minute read

Bu gün-9 iyul 2024-cü il tarixində daha bir Şəhid ailəsində gözəl, şad gün yaşanıb.

Daha bir Şəhid bacısı öz Yarı ilə gözəl Azərbaycan ailəsinin təməlini qoyub.

Goranboy rayonunun Qızılhacılı qəsəbəsinin İkinci Vətən Müharibəsi Şəhidlərindən olan-yeddi bacının tək qardaşı Elşən Rövşən oğlu Kərimovun bacısı Ayşən xanımla həmin qəsəbədən olan Əfsanəvi Xüsusi Təyinatlı-Qazi Zakir Vəliyevin qardaşı və özü də İkinci Vətən Müharibəsi iştirakçısı olan Eltun Sənan oğlu Vəliyevin toy mərasimi (qız toyu) olub.

Qeyd edim ki, bəylə gəlin kollec təhsillidirlər.

Toy mərasimi günorta saatlarında Qızılhacılı qəsəbəsində yerləşən “Osan” şadlıq sarayında baş tutub.

Toy məclisində yeni cütlük-bəylə gəlin alqış sədaları altında zala daxil olublar.

Öncə Şəhidlərin xartirəsi bir dəqiqəlik sükutla yad olunub, sonra əzəmətli Dövlət himnimiz səsləndirilib.

Daha sonra çıxışlar edilib, bəylə gəlinə bir ömür boyu səadət, xoşbəxtlik, bəxtəvərlik arzulanıb.

Şəhid bacısının-gəlinin, eləcə də Qazi qardaşının-bəyin valideynləri qonaqlara, məclis iştirakçılarına, xüsusilə, Şəhid ailələrinə öz minnətdarlıqlarını ifadə ediblər.

Məclisdə həm sevincli, şad, həm də zaman-zaman kövrək, duyğulu anlar yaşanıb.

Bir-birindən gözəl musiqilər oxunub, səsləndirilib, rəqslər ifa edilib.

Və ən çox sevinən isə Şəhidin-Elşənin ruhu olub.