Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Son günlər dünya liderlərinin, düşüncə adamlarının dilindən səslənən eynilik təşkil edən ifadə budur ki, “koronavirusdan sonra dünya əvvəlki kimi olmayacaq”.
Dünyada bir şeylərin dəyişəcəyini ehtimal etmək olar, lakin bunun əxlaq və dəyərlər sferasına aid olacağını düşünmürəm.
Uzaqbaşı nə ola bilər; hansısa özünü “burada mənəm, Bağdadda kor xəlifə” kimi aparan bir dövlət başçısı BMT tribunasından durub deyəndə ki, mənim nüvə silahım var, kimsəni vecimə almıram, o halda kiçik dövlətlərdən biri qalxıb cavab verər ki, “otur yerinə, mənim də virsum var”.
Yəni, dəyişən o olacaq ki, artıq nüvə dövlətləri çılğınlıqlarını azatmalı olacaqlar, çünki hamısı bir virusun qabağında sınaqdan çıxa bilmədiklərini anlamış oldular.
Bəs Azərbaycanda nə dəyişəcək?
Fikrimcə, ən çox dəyişiklik düni düşüncədə olacaq.
Artıq insanlar dinə, sadəcə, səmimi inanc yeri kimi baxacaqlar, onu elmlə qarışdırmayacaqlar, onu elmin qarşısına əngəl olaraq dikməyəcəklər.
Daşlara, mərmərlərə, məqbərlərə ziyarətçi sürüsü azalacaq.
Çünki çağırdıqları ruhlar virusa yaxın düşə bilmədi.
Zahiri atributlarla dini cahilliyin fəsadlarını daha çox anlayıb, öz iç dünyalarını Yaradanın təlqin etdiyi insanlıq üçün faydalı elementlərlə zənginləşdirəcəklər.
Bir də tibb təhsilinin önəmi xeyli artacaq.
Bəlkə də evdə qaldığına görə özünə mütailə vərdişi aşılayan fərdlərin sayında artım ola biləcək.
Əxlaq, dəyərlər, israf, təhsil anlayışı kimi məsələlərdə cəmiyyətimizdə ciddi dəyişiklik gözləmirəm.
Koronavirus Xocalıdan dəhşətli hadisə deyil ki…
Dəyərlərimizdə, həyat fəlsəfəmizdə nəyi dəyişdi Xocalı? Bütün hallarda dünya əvvəlki kimi olmayacaq!
Ən azı virusa qalıb gələ biləcək elmin və onun naxışı olan alimlərin, özəlliklə də bilgə həkimlərin əl üstündə tutulacağı bir dünya olacaq…
Fazil MUSTAFA,
Millət vəkili
Etikxeber.az
