“Dekabank” bağlanması barədə qərarın ləğvi üçün məhkəməyə müraciət etdi

“Dekabank” ASC-nin Müşahidə Şurası məhkəməyə müraciət edib.

Etikxeber.az-ın APA-ya istinadən məlumatına görə, bank apellyasiya şikayəti ilə Bakı Apellyasiya Məhkəməsinə müraciət edərək barəsində olan qərarın ləğvini istəyib. Şikayətə oktyabrın 7-də baxılacaq.
Bir müddət əvvəl Maliyyə Bazarlarına Nəzarət Palatası 1 saylı Bakı İnzibati İqtisad Məhkəməsinə müraciət edərək bankın məcburi ləğvi və Əmanətlərin Sığortalanması Fondunun 24.07.2016-cı ildən etibarən bankın ləğv edicisi təyin edilməsini istəyib. Məhkəmə ərizəni təmin edib. Bank həmin qərardan şikayət verib.

Qeyd edək ki, Azərbaycan Respublikası Maliyyə Bazarlarına Nəzarət Palatasının (Palata) Direktorlar Şurasının 21 iyul 2016-cı il tarixli qərarına əsasən “Dekabank” ASC, “Kredobank” ASC, “Parabank” ASC və “Zaminbank” ASC-nin bank lisenziyaları ləğv edilib.
Palata bu qərarını həmin bankların aktivlərini qanunvericiliyin tələblərinə uyğun  qaydada təsnifləşdirmədiyinə, mümkün zərərlər üzrə adekvat ehtiyatlar yaratmadığına, məcmu kapitalın minimum məbləği tələbinə əməl etmədiyinə, təhrif edilmiş hesabatları təqdim etdiyinə, bütövlükdə cari fəaliyyətlərini etibarlı və prudensial qaydada idarə etməyinə, eləcə də nəzarət orqanının verdiyi yazılı göstərişləri yerinə yetirmədiyinə görə qəbul edib.
Qərar problemli və adekvat kapitallaşmamış bankların sistemdən kənarlaşdırılması vasitəsilə bank sektorunda risklərin azaldılması, maliyyə dayanıqlığının gücləndirilməsi, etimadın artırılması və bütövlükdə maliyyə sektorunun inkişafına istiqamətlənib.

Etikxeber.az

Read Previous

Düşmən atəşkəs rejimini ümumilikdə 25 dəfə pozub

Read Next

Nazir müəllimləri belə təbrik etdi: “Dəyərləri yol xəritəsinə çevirməliyik”

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir