Deputatlar Brüsseldə konfransda iştirak edəcək

Milli Məclisin (MM) Gənclər və idman komitəsinin sədri Fuad Muradov, hüquq siyasəti və dövlət quruculuğu komitəsinin sədr müavini Rövşən Rzayev və deputat Rasim Musabəyov dekabrın 7-də Belçikanın paytaxtı Brüsselə səfər edəcəklər.

Parlamentin mətbuat xidmətindən Etikxeber.az-a bildiriblər ki, deputatlar “Şərq tərəfdaşlığı ölkələrində münaqişə zonaları və həmin zonalarda insan hüquqları” mövzusunda konfransda iştirak edəcəklər. Konfransın məqsədi dondurulmuş münaqişələrin Şərq tərəfdaşlarının ərazilərində insan hüquqlarının və fundamental azadlıqlarının icrasına təsirini araşdırmaqdır.

Tədbirdə Avropa İttifaqı qurumlarının təmsilçiləri, Avropa Parlamentinin və tərəfdaş ölkələrin deputatları, hökumət təşkilatlarının ekspertləri iştirak edəcəklər.

MM-in deputatları toplantılarda müzakirəyə çıxarılacaq məsələlər barədə fikirlərini açıqlayacaq, təkliflərini bildirəcəklər.

Etikxeber.az

Read Previous

Prezident Kralı təbrik etdi

Read Next

“Qarabağ”-“Fiorentina” oyununu xorvatiyalı hakimlər briqadası idarə edəcək

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir