“Düşmən yaşayış məntəqələrini-Tərtəri, Ağcabədini, Ağdam rayonunun Çullu və Çıraqlı kəndlərini artilleriya atəşinə tutur…”-MN-DƏN HƏM DƏ “ŞUŞA” AÇIQLAMASI – YENİLƏNİB – (1)

Düşmən yaşayış məntəqələrimizi yenidən atəşə tutub.

Etikxeber.az xəbər verir ki, bu haqda Müdafiə Nazirliyi (MN) məlumat yayıb.

Qeyd olunub ki, Ermənistan silahlı qüvvələrinin bölmələri Tərtər rayonunun Şıxarx qəsəbəsini, Qazyan və Hüsənli kəndlərini, Ağcabədi rayonunun Yuxarı Qiyaməddinli kəndini artilleriya atəşinə tutub.

Ordumuz tərəfindən düşmənin atəş nöqtələrinin susdurulması üzrə tədbirlər görülür.

***

MN: “Azərbaycan Ordusu Şuşa şəhərini atəşə tutmayıb”

“Şuşa şəhərinin Azərbaycan Ordusu tərəfindən fasilələrlə atəşə tutulması ilə bağlı Ermənistan tərəfinin yaydığı xəbər tamamilə həqiqətə uyğun deyil”.

Bu haqda da MN-dən bildirilib.

“Bildiririk ki, Azərbaycan Ordusu Şuşa şəhərini atəşə tutmayıb”-deyə, əlavə olunub.

***

Ermənistan silahlı qüvvələrinin bölmələri tərəfindən Ağdam rayonunun Çullu və Çıraqlı kəndləri artilleriya atəşinə tutulur.

MN-dən bildirilib ki, Ordumuzun bölmələri tərəfindən düşmənin atəş nöqtələrinin susdurulması üzrə tədbirlər görülür.

Etikxeber.az