Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Qayğıya, himayəyə ehtiyacı olan ailələr hər zaman dövlətimizin diqqətindədir. Bayramlarda, özəl günlərdə ilk növbədə bu qəbildən insanlar, ailələr sevindirilir. Dövlət başçısı hətta öz doğum gününü hər il köçkün, qaçqın ailələrini, şəhid ailələrini və veteranları ziyarətlə qeyd edir. Xeyirxahlıq, humanizm xalqımızın qanındadır, canındadır. Bu gün cəmiyyətin öndə gedən, titul sahibi olan yüzlərlə, minlərlə yardımsevər nümayəndəsi dövlətini, Pzezidentini dəstəkləyərək, öz imkanları çərçivəsində, bacardıqları qədər ətraflarındakı, köməyə ehtiyacı olan insanlara yardım etmək istəyirlər.
Etikxeber.az-ın xəbərinə görə, bunu 92 saylı Zərdab-Ucar Seçki Dairəsinin deputatı Jalə Əliyeva deyib.
Onun sözlərinə görə, müxtəlif yardım aksiyaları, xeyriyyə marafonları keçirirlər.
“Elə bu məqsədlə də bu il müqəddəs qurban bayramı ərəfəsində əslən Zərdabdan olan və istər rayonda, istər ölkədə kifayət qədər tanınan, nüfuz sahibi insanlarla bir araya gələrək, bayramların fəlsəfəsini təşkil edən həmrəylik şəraitində, bayram paylarını birlikdə hazırlayıb paylamağa qərar verdik. Düşündük ki, bu şəkildə daha çox ailəni sevindirər, daha çox ailənin bayramını təbrik etmiş olarıq. Beləcə, rayonumuzda 100 ailəyə bayram payı göndərdik…”-deyə, o, əlavə edib.
12:06, 30 iyul
***
Xəbər verdiyimiz kimi, dünən millət vəkili J. Əliyeva və Zərdabi İrsinin Təbliği Təşəbbüs qrupunun üzvləri Zərdab rayonunda 100-dən çox ailəyə qurban payı paylayıb.
Bu gün isə J. Əliyeva Ucarın deputatı olduğu Bərgüşad, Lək və Xələc kəndlərində köməkçisi Firdovsi Eyvazov vasitəsilə 25 ailəyə – şəhid ailələrinə, valideynsiz uşaqlara qurban payını çatdırıb.
“Bu savab işdə əməyi olan hər kəsə, eyni zamanda Ucarın Bərgüşad kəndinin ağsaqqallarından Hacı Güloğlan Xəlilova təşəkkürlərimizi bildiririk!. Allah qurbanlarınızı qəbul etsin! Bayramınız mübarək olsun!”
Bunu isə millət vəkili J. Əliyeva deyib.
Etikxeber.az
