Əbədiyyətə uğurlanmalarından 6 il ötən, Anım günləri olan-BAKILI İKİNCİ VƏTƏN MÜHARİBƏSİ ŞƏHİDLƏRİ-MAYOR, ÜÇ ÖVLAD ATASI İLKİN ƏHƏDZADƏ VƏ KAPİTAN, BİR ÖVLADI VƏTƏNƏ ƏMANƏT QALAN PƏRVİZ MƏMMƏDOV – FOTOLAR – YENİLƏNİB

İkinci Vətən Müharibəsi Şəhidlərindən əslən Qubalı, özü Bakıdan, Səbail rayonundan olan üç qardaşdan biri, ali-hərbi təhsilli, Mayor, 3-cü dərəcəli “Rəşadət” ordenli, üç övlad atası İlkin Qələmşah oğlu Əhədzadə və əslən Tovuzlu, özü isə Bakılı, Lökbatanlı olan ali təhsilli peşəkar hərbçi, ailənin dörd övladından biri, Kapitan, 3-cü dərəcəli “Rəşadət” ordenli, bir övladı Vətənə əmanət qalan Pərviz Ələddin oğllu Məmmədovun da bu gün Anım günləridir, Əbədiyyətə uğurlanmalarından 6 il keçir.

Bu gün hər iki Şəhidin-İlkin Əhədzadənin Hərbi Memorial Məzarlıqdakı, Pərviz Məmmədovun isə Lökbatan Şəhidlər Xiyabanındakı məzarları ziyarət olunub.

Məzarları üzərinə gül dəstələri düzülüb, əklillər qoyulub, ruhlarına dualar olunub, “Quran” oxunub, ailələrinə Allahdan səbr arzulanıb.

Xatirə fotoları çəkdirilib.

Adları çəkilən Şəhidlərin məzarlarını ziyarətdən sonra Hərbi Memorial Məzarlıqda yerləşən Mərasim zalında İlkin Əhədzadənin, “Qaradağ” şadlıq sarayında isə Pərviz Məmmədovun adına ehsan süfrələri açılıb, bir daha ruhlarına dualar edilib.

15:30

***

FOTOLAR:

***

Kamil HƏMZƏOĞLU (HƏMİDOV)

Etikxeber.az