Elçibəyə görə Cəmil Həsənli Leyla Yunusla qarşı-qarşıya gəldi: “HEÇ BİRİ GERÇƏK DEYİL”

Osmanqızı tv-də Leyla Yunus xanım çıxışında Əbülfəz Elçibəy haqqında həqiqətə uyğun olmayan fikirlər səsləndirib.

Leyla xanımın Əbülfəz bəyin guya KQB agenti olması haqqında mülhizəsi subyektiv xarakter daşıyır və ehtimallara söykənir.

Mən Əbülfəz bəyi tələbəlik dövründən tanıyıram, 1975-ci ildə onun məhkəməsində iştirak etmişəm, 70-ci illərdə onun qurduğu tələbə dərnəklərinin iştirakçısı olmuşam.

Mən keçmiş KQB-nin Əbülfəz bəy haqqında topladığı materialların böyük əksəriyyəti ilə tanışam və Leyla xanımın dediklərinin heç biri gerçək, həqiqətə uyğun deyil.

cemil-1

camill

elcibey-heyder

Yeri gəlmişkən Azərbaycanda KQB-nin agentura şəbəkəsi keçmiş KQB-nin məsul işçisi Mitroxinin gizli sənədlərində yer alıb və onların içində bu gün vəzifədə olanlar da var.

O siyahılarda Əbülfəz bəydən “donos” yazan xeyli alimlər də öz “kliçkaları” ilə göstərilir.

Leyla xanıma uzun müddət hörmət bəsləyən biri kimi deməliyəm ki, onun Əbülfəz bəyin guya Heydər Əliyevin adamı olması barədə mülahizələri də subyektivdir.

Leyla xanım heç vaxt Əbülfəz bəyin yaxın əhatəsində olmayıb və bu məsələnin ən mühüm detalların bilmir və təəssüf ki, dərindən bilmədiyi məsələr haqqında mülahizələr yürüdür.

Qəti əminliklə demək istəyirəm ki, Osmanqızı tv-də Leyla xanımın Əbülfəz bəylə bağlı irəli sürdüyü hər iki ittiham gerçəklikdən çox uzaqdır və köhnə ixtilafların hazırki birtərəfli təzahürüdür.

Cəmil HƏSƏNLİ,

Professor, Milli Şuranın sədri

Etikxeber.az

Read Previous

“Müsavat” başqanından İran və Minsk qrupunun həmsədrlərinə sərt sözlər

Read Next

“Rəhimə sillə vurdu, sonra sözçüsü oldu…” – ARİF HACILI DA LEYLA YUNUSA “ATƏŞ” AÇDI

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir