Elmira Axundova şəhid ailələri ilə bağlı yaranmış problemi araşdıracaq… – FOTOLAR

Millət vəkili Elmira Axundova deputat seçildiyi Masallı rayonunun Bədəlan kəndindəki ofisində seçiciləri ilə növbəti görüşünü keçirib.

Etikxeber.az-ın xəbərinə görə,  millət vəkili seçicilərin hər birini  ayrı-ayrılıqda qəbul edərək onları dinləyib, problemləri ilə maraqlanıb.

Qeyd edək ki, millət vəkilinə ünvanlanan müraciətlər əsasən ünvanlı sosial yardım, əlillik dərəcəsinin alınması, aliment və digər məsələlərlə bağlı olub.

Müraciətlərin bir neçəsi isə  hərbi qulluqçuların dövlət icbari şəxsi sığortası haqqının alınması üçün şəhid ailələrinin qeydiyyata alınmalarında yaranan problemlərlə əlaqədar olub.

Şəhid ailəsi və ya onların vərəsələri olan bir neçə şəxs millət vəkilinə bildiriblər ki, 1994-cü illərdə şəhid olmuş ailə üzvünün sığorta pulunun alınması üçün sənədləri qanuni şəkildə toplayaraq müraciət etsələr də, onlara vaxtı ilə bu sığorta pulun ödənildiyi haqqında elektron cavab verilib.

Lakin ərizəçilər onlara o vaxt  yerli İcra Hakimiyyətindən, sadəcə, 100 dollar həcmində  pul verildiyini sözlərinə əlavə ediblər.

E.Axundova seçicilərini narahat edən məsələləri daim diqqət mərkəzində saxladığını, həmin çətinlik və qayğıların yoluna qoyulması üçün müvafiq addımlar atacağını qeyd edib.

O, adıçəkilən problemlə də yaxından tanış olacağını və aidiyyəti qurumlarla əlaqə saxlayaraq, onun həllinə nail olmağa çalışacağını, yaranmış qeyri-müəyyənliyin qaldırılmasına cəhd edəcəyini əlavə edib.

Deputat görüşdə vurğulayıb ki, o, yalnız seçicilərin ünvanladığı müraciətləri aidiyyəti qurumlara göndərməklə kifayətlənmir.

Eyni zamanda, həmin müraciətlərin icra vəziyyətini də daim diqqətdə saxlayır.

Bununla yanaşı, xanım millət vəkili seçiciləri əmin edib ki, hər zaman olduğu kimi, bundan sonra da zəruri hallarda seçicilərin problemlərini Milli Məclisdə qaldıracaq və o problemlərin həllinə nail olmaq üçün əlindən gələni əsirgəməyəcək.

Onu da qeyd edək ki, adıçəkilən problemlərlə yanaşı, əvvəlki illərlə müqayisədə seçicilər tərəfindən müraciətlərin və şikayətlərin az olduğu üzə çıxıb.

Xüsusilə də, gənclər tərəfindən müraciətlərin və şikayətlərin azaldığı məlum olub.

Yəni, Masallıda son illər görülən işlərin, yeni-yeni istifadəyə verilən obyektlərin, konkret olaraq, “Asan Xidmət” Mərkəzinin yerli filialının, Masallı Sənaye Parkının yaradılması və işə düşməsi ilə rayonda işsizlik problemi böyük ölçüdə həllini tapıb, xeyli sayda gənc və orta yaşlı insanlar iş yerləri ilə təmin olunublar.

Bu da nəticə etibarı ilə millət vəkilinə ünvanlanan müraciət və  şikayətlərin azalması, minimuma enməsi ilə sonuclanıb.

49ea0aa8-9226-4276-a8e3-1fae417d343d

8354b61a-82fa-4027-854f-3e00611e8326

35da44b7-0b8a-4737-a719-45a08150300d

e1a94384-7754-4c77-9ae8-2f8ab018b88d

K. HƏMZƏOĞLU (HƏMİDOV)

Etikxeber.az

Read Previous

Deputat Ümumdünya Demokratiya Forumunda qaçqın və məcburi köçkün qadınlarımızdan danışacaq

Read Next

“Azərbaycan ərazi bütövlüyü məsələsində bir addım belə, geri çəkilməyəcək” – MİLLƏT VƏKİLİ

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir