“Ermənistana dəstək olmaq faşizmə, nasizmə dəstək olmaqdan başqa bir şey deyil” – SƏMƏD SEYİDOV

Prezident İlham Əliyev Aşqabadda MDB Dövlət Başçıları Şurasının iclasında bir daha öz qətiyyətli mövqeyini nümayiş etdirdi. Bu, hər bir azərbaycanlının dəstəklədiyi mövqedir. Dövlətimizin başçısının mühüm tarixi əhəmiyyət kəsb edən çıxışında Azərbaycan xalqının Böyük Vətən müharibəsinin qələbə qazanılmasında əməyi ətraflı təhlil olundu, düşmənin işğalçılıq, terrorizmlə bağlı siyasəti kəskin tənqid edildi. Prezidentin bu siyasi tribunadan cəsarətli çıxışı ilə hər bir azərbaycanlı qürur duyur.

Etikxeber.az xəbər verir ki, bu fikirləri açıqlamasında Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-da Azərbaycan nümayəndə heyətinin rəhbəri Səməd Seyidov söyləyib.

“Azərbaycan Prezidentinin MDB Dövlət Başçıları Şurasının iclasındakı çıxışını üç hissəyə bölmək olar. İlk növbədə, Prezident İlham Əliyev şəxsi keyfiyyətlərini bir daha göstərdi. Ölkə rəhbəri yüksək siyasi tribunadan çıxışı ilə səviyyəli, savadlı, yüksək təfəkkürə və mədəniyyətə malik siyasətçi, Prezident olduğunu bir daha nümayiş etdirdi. Dəmir iradəyə malik Prezidentimizin rus dilində səlis, aydın danışığı, faktlarla çıxış etməsi MDB dövlət başçılarının marağına səbəb oldu. Ölkə başçısı fikirlərini o qədər aydın, dəqiq dəlil və sübutlarla ifadə etdi ki, bu faktların qarşısında heç kimin etiraz etməyə cürəti çatmazdı” – deyən Milli Məclisin komitə sədri bildirib ki, siyasətdə naşı, sərsəm bəyanatları ilə ad çıxarmış Paşinyanın replikalarına sakit reaksiya verən Prezidentin  özünün yüksək mədəniyyətə sahib olduğunu hər kəsə göstərdi:

ilya-paska

“Prezidentin çıxışında ikinci məsələ beynəlxalq hüququn normaları prinsiplərinə toxunması məsələsi idi. Azərbaycan Prezidentinin dövlətlərin, dövlət başçılarının beynəlxalq hüquq çərçivəsində özünüidarəetmə bacarığı, davranışı prinsipi məsələsinə toxunması təqdirəlayiqdir. Ölkə rəhbəri öz çıxışında faşizm üzərində qələbədən danışaraq bəşəri dəyərlərin nə qədər vacib olduğunu vurğuladı və bildirdi ki, faşizm bəşəri dəyərlərə zidd olduğu kimi, Ermənistanın Azərbaycan xalqına qarşı apardığı işğalçılıq siyasəti də heç bir beynəlxalq normaya sığmır.

Ermənistan-Azərbaycan Dağlıq Qarabağ münaqişəsi ilə bağlı Azərbaycan həqiqətlərinin çatdırılması, Ermənistanın işğalçılıq siyasətinin pislənməsi isə bu çıxışın üçüncü və əsas tərəfi idi. Prezident İlham Əliyev yüksək təfəkkürü, analitik düşüncəsi ilə bəyan etdi ki, faşizmə dəstək verən erməniyə abidə ucaldan Ermənistan Azərbaycana da faşist kimi davranır. Məqamdan, siyasi tribunadan diplomatik məharətlə istifadə edən ölkə başçısı bildirdi ki, Ermənistana dəstək olmaq faşizmə, nasizmə dəstək olmaqdan başqa bir şey deyil. Bununla, Prezident Azərbaycan xalqının mübarizəsini işğalçı dövlətin terror rejiminə qarşı mübarizə kimi qiymətləndirdi…”. (AZƏRTAC)

Etikxeber.az

 

Read Previous

“Əliyev Paşinyanı yerinə oturtdu…” – MİLLƏT VƏKİLİ

Read Next

“Düşmənə də,dost bildiklərimizə də…”-QƏNİRƏ PAŞAYEVADAN TÜRKİYƏYƏ DƏSTƏK ÇAĞIRIŞI

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir