Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bolqarıstanın Albena şəhərində yeniyetmə boksçular arasında keçirilən Avropa birinciliyində Tərtər rayonundan olan idmançı Murad Allahverdiyev bürünc medala layiq görülüb.
Etikxeber.az xəbər verir ki, Tərtər rayon Uşaq Gənclər İdman Məktəbinin məşqçi müəllimi Faiq Məmmədov mətbuata açıqlamasında bildirib ki, yarışda Azərbaycanı təmsil edən idmançılardan ikisi – Murad Allahverdiyev və Elşən Cəbizadə Tərtər rayonundandır. 75 kiloqram çəki dərəcəsində çıxış edən Murad Allahverdiyev birinci döyüşdə Moldovadan, ikinci döyüşdə isə Çexiyadan olan idmançılara qalib gəlib. Dörddəbir finalda erməni idmançını məğlub edən Murad yarımfinalda Bolqarıstandan olan boksçuya məğlub olaraq, üçüncü yerlə kifayətlənib.
Qeyd edək ki, 32 ölkədən 260 boksçunun qatıldığı Avropa birinciliyi sentyabrın 28-də başa çatacaq. Yarışa ölkəmizdən baş məşqçi Vaqif Kazımov və məşqçi Oqtay İbrahimovun rəhbərliyi ilə 13 idmançı qatılıb.
Etikxeber.az