“Eşələnin…”-FAZİL MUSTAFA ƏVVƏLKİ MÖVQEYİNDƏ QALDI

Yeni Yasamalda baş verən hadisə əlbəttə üzücü və travmatik idi.

Bununla belə başına zibil atılmış polis qardaşlarımızdan bir neçəsinin öz əsəbi davranışları ilə vətəndaşa tətbiq etdikləri zorakılığın faturasını aylardır çilə çəkən, evində rahat gecələməyən, küçələrdə, yolarda həyati risqlə üz-üzə qalan bütün polislərimizə qarşı çirkab kampaniyasına çevirərək dövlətin sütünlarını sarsıtmağa çalışan qaragüruh sürüsünə aldırmadan dövlət başçısına öz təşəkkürü ilə cavab verdi və qaragüruhun spekulyasına yer qoymadı

. Dövlət öz üzərinə düşəni etdi və qanunu pozanları cəzalandırdı.

Bəli, Azərbaycan polisi ideal deyil, qanun da pozur, bəzi hallarda zorakılıq da edir, ancaq əksər hallarda həyatını risqə qoyaraq vətəndaşa şəfqət göstərir, asayişimiz qoruyur.

Azərbaycan polisinə zibil atmazlar, illah da zibil atmaq zərurəti varsa onu da bu dövlətin çöküşünü arzulayanların başına atmaq lazımdır.

İndi götürüb zibilinizi cumun Dağlıq Qarabağda qondarma “seçkilərə” loyal münasibətini ortaya qoyan Avropa Şurasına, birlikdə eşələnin görək qır-qırıntıdan nələr tapa bilirsiniz, necə bəxtiyar ola bilirsiniz.

Pandemiyadan zəif düşən dövlətin vətəndaşı yalnız fədakarlıq edər, ərköyünlük yox.

Və iki peşə sahibinə insanlıq borcumuzu qətiyyən unutmamalıyıq: fədakar tibb işçilərimizə və polislərimizə.

Qorunun!

Təkcə koronavirusa deyil, aman-zaman dövlətimizə qarşı nifrət virusuna da yoluxmayın!

Fazil MUSTAFA,

Millət vəkili

Etikxeber.az