Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
2006-cı ildə İrəvanda bir tədbir var idi, o xətlə getmişdim…Oradan da imkan yarandı – turistik bir gün var idi, xahiş etdim, məni apardılar kəndimizə-Uruda… Doğma kəndimizə getdim… 1988-ci ildə biz ordan çıxdıq, Urudu itirdik. Təsəvvür edirsiniz, mən 18 il hər gecə o kəndi yuxumda görürdüm…2006-cı ildən sonra bir dəfə olsun Urudu, kəndimizi yuxumda görmürəm…
Etikxeber.az-ın xəbərinə görə, bunu əslən Qərbi Azərbaycandan olan millət vəkili, şair Musa Quliyev (Urud) “Space”-də “Sadə həqiqətlər” verilişində deyib.
“Evimizə getdim, evimizi gördüm… Evimizdə bir kor erməni yaşayırdı və qonaq otağında-divarda nənəmin anasının toxuduğu bir xalça var idi…Onu nənəmə cehiz vermişdi. Nənəm də 46-cı ildə mənim anama onu cehiz vermişdi. Həmin otağa girəndə isə xalçanı gördüm və xalçanın üstündə bir əsgər şəkli var idi. Hərbi formada əsgər şəkli var idi… Sonra aşağı enəndə o erməni əvvəl mənim salamımı almadı…90 yaşı vardı, kor erməni-Bakı ermənisi idi…Azərbaycan dilində dedi ki, sən bura niyə gəlmisən? Ona dedim ki, divardakı xalçanı pulu ilə sat mənə, onu aparım… O, mənim anama – anamın da yaşı 80-dən çox keçib – bir hədiyyəm olsun ki, nənəsindən ona qalan xalçadı… Bir az fikirləşdi, dedi, yox, “ara, bəs üstündəki şəkili neyləyim?” Məlum oldu ki, bunun oğludur, Qarabağda ölüb döyüşdə və onun şəklini vurub nənəmin xalçasının üstünə…”-deyə, M. Urud sonra sözlərinə əlavə edib.
Etikxeber.az
