Fevral ayında səhhətində ciddi problemlər yaranan, 3 aydan çox ağır müalicələrdən keçən və hazırda sağlamlığını bərpa edən-QAZİ-GORANBOYLU KƏNAN SƏMƏDZADƏNİ ZİYARƏT… – FOTOLAR

Bu gün-6 sentyabr 2024-cü il tarixində uzun müddətdən bəri səhhətində ciddi problemlər olan, Bakı şəhərində yerləşən özəl klinikalardan birinə-Baku Medical Plazaya yerləşdirilən və orada 3 aydan çox ağır müayinə və müailəcələrdən keçən Qazi Kənan Səmədzadəni ziyarət etdim…

Qeyd edim ki, bu ilin fevral ayında sağlamlığında qəfil və ciddi problemlər yaranan, ağır müalicə və müayinələrdən keçən Kənan Səmədzadə may ayının sonlarına yaxın səhhətində hiss edilən irəliləyişlərdən sonra adıçəkilən klinikadan evinə buraxılıb.

Artıq 3 aya yaxındır ki, Qazimizin sağlıq, səhhət durumunda ciddi irəliləyişlər var və hərəkət qabiliyyətini də demək olar ki, tam bərpa edib.

Hazırda ev-kənd şəraitində müalicə və müayinələrini davam etdirir, yaxın zamanlarda işə çıxmağa hazırlaşır.

Goranboy rayonunun Xanqərvənd kəndində yaşayan və ziyalı ailəsindən olan Kənan Səmədzadə ilə də elə evlərində-ocaqlarında görüşdüm.

Həm özünü, həm də ocağını, valideynlərini ziyarət etdim.

Valideynlərinə bir daha gözaydınlığı verdim, “Gözləriniz aydın olsun. Çox şükür ki, zəhmətləriniz, əziyyətləriniz yerdə qalmadı, övladınız sağlamlığına qovuşa bildi”-dedim.

Eyni zamanda, Qazimizə onu yenidən sağlam vəziyyətdə gördüyümə, ayaqları üstündə yenidən şux dayandığına görə çox şad olduğumu bildirdim.

“Bir daha keçmiş olsun, Allah bir daha şəfanızı versin!”-dedim, ona Allahdan uzun, sağlıqlı və huzurlu ömür arzuladım.

İki saata yaxın ziyarətim zamanı Qazimizlə xeyli söhbətləşdim.

Onu da qeyd edim ki, 1999-cu il təvəllüdlü olan Kənan Elman oğlu Səmədzadə ailənin üç övladından biri, iki bacının tək qardaşıdır.

25 yaşlı Qazimiz ali təhsilli, həm də subaydır.

O, İkinci Vətən Müharibəsi zamanı Xüsusi Təyinatlı Qüvvələrin Əsgəri kimi döyüşlərdə iştirak edib, yaralanıb, ölümlərdən dönüb.

Müharibədən, tarixi Qələbə və Zəfərimizdən sonra isə Ali Baş Komandan tərəfindən üç, Baş nazir tərəfindən bir medalla təltif olunub.

Müharibə veteranı, iki ilə də yaxındır Goranboy rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiridir.

Allah Sizi qorusun, Qazi Kənan Səmədzadə!

Böyük Yaradan üstünüzdə Yar və Yardımçı olsun!

Şəhid ailələri Qazi Kənan Səmədzadə ilə bağlı bu dəfə-ÖZƏL TELEKANAL RƏHBƏRLƏRİNƏ MÜRACİƏT ETDİLƏR…

***

FOTOLAR:

Kamil HƏMZƏOĞLU HƏMİDOV

Etikxeber.az