Gürcüstanın yeni prezidenti qadın ola bilər…

Gürcüstanın hakim “Gürcü arzusu-Demokratik Gürcüstan” partiyası oktyabrın 28-də keçiriləcək prezident seçkilərində müstəqil namizəd Salome Zurabişvilini dəstəkləyəcək.

salome

Etikxeber.az xəbər verir ki, bu bəyanatla Gürcüstan parlamentinin sədri İrakli Kobaxidze hakim partiyanın Siyasi Şurasının sentyabrın 9-da keçirilən iclasından sonra bəyan edib.

O bildirib ki, partiya namizədə hər cür köməklik göstərəcək.

Qeyd edək ki, Gürcüstanın hakim “Gürcü arzusu-Demokratik Gürcüstan” partiyası bu il keçiriləcək prezident seçkilərində öz namizədini irəli sürməyib. Lakin hakim partiya baxışları və siyasi kursu ilə üst-üstə düşən müstəqil namizədi dəstəkləyəcəyini bəyan etmişdi.

Gürcüstanda keçiriləcək prezident seçkiləri ilə əlaqədar 46 nəfərin namizədliyi irəli sürülüb. Namizədlərin 26-sı təşəbbüs qrupları, 20-si isə siyasi partiyalar tərəfindən irəli sürülüb.

Gürcüstan Mərkəzi Seçki Komissiyası sentyabrın 28-dək namizədlərin qeydə alınması prosesini başa çatdıracaq.

Etikxeber.az

Read Previous

Dodonun qəzaya uğraması təsadüfi deyil və ölümə cəhddir – DEPUTAT – FOTO

Read Next

Azərbaycan-Xorvatiya əməkdaşlığı dünyaya nümunə sayıla bilər – MİLLƏT VƏKİLİ

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir