Həm Goranboylu, həm də Kəlbəcərli-“QİSAS” ƏMƏLİYYATI ŞƏHİDİ ÖMƏR ŞİRİNOVUN ANIM GÜNÜNDƏ MƏZARI ZİYARƏT OLUNDU, MƏRASİM DÜZƏNLƏNDİ… – FOTOLAR – YENİLƏNİB

Əbədiyyətə uğurlanmasının ikinci ili, Anım Günü ilə bağlı bu gün-14 sentyabr 2024-cü il tarixində, səhər saatlarında əslən Kəlbəcərli, özü isə Goranboylu olan “Qisas” əməliyyatı Şəhidi, ailənin üç oğlan övladından biri, ali təhsilli, subay, Leytenant Ömər Muğan oğlu Şirinovun Goranboy rayonunun Zeyvə kənd qəbiristanlığındakı məzarı ziyarət olunub.

Məzarı üzərinə gül dəstələri düzülüb, ruhuna dualar edilib, “Quran” oxunub.

Etikxeber.az xəbər verir ki, ziyarət zamanı Şəhidin ailəsinə, valideynlərinə Allahdan səbr və dözüm arzulanıb.

Şəhidin məzarını ziyarətdən sonra Gəncə şəhərinin Gülüstan qəsəbəsində-ailəsinin yaşadığı evdə Anım mərasimi düzənlənib, adına ehsan süfrəsi açılıb.

Bir daha Şəhidin ruhuna dualar edilib.

Şəhidin məzarını ziyarətdə və Anım mərasimində ailə üzvləri, yaxınları, Naftalan, Mingəçevir, Yevlax və Kəlbəcərdən olan Şəhid ailələri və digər şəxslər iştirak ediblər.

***

FOTOLAR:

Kamil HƏMZƏOĞLU (HƏMİDOV)

Etikxeber.az