“Taleyinə Türkiyədə vəfat etmək yazılıbmış” – ELÇİBƏYİN XANIMI DƏFN EDİLDİ – YENİLƏNİB – (1)

Azərbaycanın ikinci prezidenti Əbülfəz Elçibəyin həyat yoldaşı vəfat edib.

Etikxeber.az-ın xəbərinə görə, bu barədə Azərbaycanın sabiq baş naziri Pənah Hüseyn sosial şəbəkədəki hesabında məlumat verib.

O bildirib ki, Həlimə Əliyeva Türkiyədə dünyasını dəyişib.

***

Azərbaycanın ikinci prezidenti Əbülfəz Elçibəyin bu gün Türkiyədə vəfat edən həyat yoldaşı Həlimə Əliyeva xərçəng xəstəliyindən əziyyət çəkirmiş.

Bu barədə isə  APA-ya açıqlamasında  Həlimə Əliyevanın qardaşı Mirmöhsün Mahmudov məlumat verib.

Onun sözlərinə görə, 67 yaşlı bacısı Türkiyəyə əməliyyat və müalicə olunmaq üçün gedibmiş: “Hazırda cənazənin Azərbaycana gətirilməsi üçün hazırlıqlara başlamışıq”.  

Eyni zamanda, Elçibəyin qaynının sözlərinə görə,  bacısı son vaxtlar  tez-tez mərhum həyat yoldaşı ilə bağlı xatirələrindən də danışırmış.

“Həlimə xanımın Elçibəyi yad etmədiyi gün yox idi. Onunla bağlı xatirələrini tez-tez dilə gətirirdi. Həyatdır. Hər ikisinin də taleyinə Türkiyədə vəfat etmək yazılıbmış”.

elcibey

helime

***

Azərbaycanın ikinci prezidenti Əbülfəz Elçibəyin həyat yoldaşı Həlimə Əliyeva bu gün dəfn edilib.

Mərhum Ordubad rayonunun Kələki kənd qəbiristanlığında torpağa tapşırılıb.

Etikxeber.az

Read Previous

YAP-çı deputat: “ELÇİBƏYİN XANIMI ÖZÜNÜ ƏSL AZƏRBAYCAN XANIMI KİMİ TANITDI”

Read Next

İlahə Rüstəmova və Xəyal Hüseynov 7-ci Muğam Müsabiqəsinin qalibi oldular – FOTOLAR

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir