“Heç bir zaman belə bir addımı atmaram” – QƏNİRƏ PAŞAYEVA

Millət vəkili Qənirə Paşayeva KİV nümayəndələrnə və və QHT rəhbərlərinə müraciət ünvanlayıb.

Etikxeber.az-ın xəbərinə görə, bu haqda millət vəkili  “Facebook” səhifəsində yazıb.

Müraciətdə deyilir:
“Əziz dostlar!
Bəzi jurnalist həmkarlarımız və qeyri-hökumət təşkilatlarımız, Gürcüstan əsilli ziyalılarımız zəng edərək və ya müraciət edərək Gürcüstanda parlament seçkilərində iştirak edəcək azərbaycanlı namizədlər arasında konkret şəxsləri dəstəkləməyimizi xahiş edirlər. Bir daha qeyd edirəm ki, bir azərbaycanlı olaraq , Gürcüstanda yaşayan bütün soydaşlarımız və namizədlərimiz bizim üçün qardaş-bacılarımız olaraq dəyərlidirlər. Onlar arasında belə bir həssas məqamda fərq qoymam doğru deyil və heç bir zaman belə bir addımı atmaram. İnanıram ki, mənim adımla bağlı bu istiqamətdə yayılan bütün şayələrə inanmayacaqsınız. Eyni zamanda, seçkilərdə sözü xalq deyir və layiq gördüyü namizədə səs verir. Mənim bu prosesdə hər hansı bir şəkildə müdaxilə etməm imkansızdır və doğru deyil. Bütün Gürcüstan əsilli soydaşlarımıza da bir daha söyləmək istəyirəm ki mənim hər hansı konkret namizədi və ya namizədləri dəstəkləməm barədə yanaşmalar doğru deyil. Bütün namizədlərə seçkilərdə uğurlar diləyirəm. Gürcüstan azərbaycanlıları hansı namizədləri Gürcüstan parlamentinə seçkilərdə dəstəkləyib seçsələr, mən də bu seçimə, insanlarımızın iradəsinə sayğı ilə yaxınlaşacam. Seçkilərin dost Gürcüstan xalqı və orada yaşayan soydaşlarımız üçün xeyrli-uğurlu olmasını diləyirəm”.

Etikxeber.az

Read Previous

MTRŞ: “Operatora ödəniləcək məbləğ analoq yayımın məbləğindən baha olmayacaq”

Read Next

“Budur məsələnin həll olunmamasının səbəbi…” – PREZİDENT

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir